நடுவரின் தீர்ப்பு மறுபரிசீலனை: பி.சி.சி.ஐ. மறுப்பு

Virakesari.
அவுஸ்திரேலியாவுக்கு எதிரான டெஸ்ட் மற்றும் ஒருநாள் தொடரில் நடுவர் தீர்ப்பு மறுபரிசீலனை (யு.டி.ஆர்.எஸ்) முறைக்கு இந்திய கிரிக்கெட் சபை (பி.சி.சி.ஐ) மறுப்பு தெரிவித்துள்ளது.

இந்தியாவுக்கு எதிரான இரண்டு டெஸ்ட் மற்றும் மூன்று ஒருநாள் போட்டிகள் கொண்ட தொடரில் பங்கேற்க, பொண்டிங் தலைமையிலான அவுஸ்திரேலிய அணி எதிர்வரும் செப்டம்பர் 21ஆம் திகதி இந்தியா வருகிறது. இரு அணிகள் மோதும் முதல் டெஸ்ட் மொகாலியிலும் (அக்., 1 முதல் 5), இரண்டாவது டெஸ்ட் பெங்களுர்விலும் (அக்., 9 முதல் 13) நடக்கிறது. இதற்கு பின் ஒருநாள் போட்டிகள் கொச்சி (அக்,17), விசாகப்பட்டினம் (அக்., 20), கோவாவில் (அக்., 24) நடக்கிறது.

இத்தொடர் குறித்து பி.சி.சி.ஐ., முக்கிய தலைமை அதிகாரி ரத்னாகர் ஷெட்டி கூறுகையில், எதிர்வரும் அவுஸ்திரேலிய தொடரில் யு.டி.ஆர்.எஸ்., முறை நடைமுறைப் படுத்தும் எண்ணம் இல்லை. இதனை நாங்கள் ஐ.சி.சி.,யிடம் முன்னதாகவே தெரிவித்து விட்டோம். தவிர, உலகக் கிண்ண தொடர் என்பது ஐ.சி.சி., நடத்துவது. இதில் யு.டி.ஆர்.எஸ்., முறையை கொண்டுவருவது என்பது அவர்களின் விருப்பத்தை பொறுத்தது, என்றார்.

இதுகுறித்து ஐ.சி.சி., தலைமை அதிகாரி ஹாரூன் லார்கட் கூறுகையில்,டெஸ்ட் போட்டிகளில் யு.டி.ஆர்.எஸ்., முறையை அறிமுகம் செய்ததால் ஏற்பட்ட பலன் எல்லோருக்கும் தெரியும். தற்போது இதை எதிர்வரும் உலகக் கிண்ண தொடரிலும் அறிமுகம் செய்ய ஆர்வமாக உள்ளோம், என்றார் ,

புதிய தரவரிசையில் இலங்கை அணி முன்னேற்றம்

Virakesari.
தம்புள்ளையில் இடம்பெற்ற முக்கோண ஒருநாள் போட்டிகளை தொடர்ந்து சர்வதேச கிரிக்கெட் சபை புதிய தரவரிசை பட்டியலை வெளியிட்டுள்ளது. இதன்படி இலங்கை மூன்றாம் நிலையை பெற்றுள்ளது.

முன்னைய தரவரிசை பட்டியலின் படி இலங்கை அணி ஆறாம் இடத்தில் தரப்படுத்தப்பட்டிருந்தது. எனினும் இந்த தொடரில் பெற்றுக்கொண்ட வெற்றிகளை அடுத்தே இலங்கை அணி, தரவரிசையில் முன்னேற்றம் பெற்றுள்ளது.

இந்த புதிய தரவரிசைப்படி தொடர்ந்தும் அவுஸ்ரேலியா முதலாவது இடத்திலும், இந்தியா இரண்டாம் இடத்திலும் உள்ளன. நான்காம் இடத்தில் தென்னாபிரிக்க அணியும், 5 ஆம், 6 ஆம் இடங்களில் முறையே இங்கிலாந்து மற்றும் நியுசிலாந்து அணிகள் பெற்றுள்ளன.

ஆறாம் இடத்தில் பாக்கிஸ்தானும் ஏழாம் இடத்தில் மேற்கிந்திய தீவுகள் அணியும் பெற்றுள்ளன. இதேவேளை டெஸ்ட் தரவரிசையில் இந்தியா தொடர்ந்து முதலிடத்தில் உள்ளது.

இரண்டாவது இடத்தில் தென்னாபிரிக்க அணியும், மூன்றாம் இடத்தில் இலங்கை அணியும் தரப்படுத்தப்பட்டுள்ளன.

4 ஆம், 5 ஆம் மற்றும் ஆறாம் இடங்களில் முறையே, அவுஸ்ரேலியா, இங்கிலாந்து, பாக்கிஸ்தான் ஆகிய அணிகள் பிடித்துள்ளன.

சூதாட்ட சர்ச்சையில் பாகிஸ்தான் வீரர்கள்

Virakesari.
இங்கிலாந்து மற்றும் பாகிஸ்தான் அணிகளுக்கிடையிலான 4 ஆவது டெஸ்ட் தொடரில் பாகிஸ்தான் வீரர்கள் சூதாட்டத்தில் ஈடுபட்டதாக அதிர்ச்சி தகவல்கள் வெளியாகி உள்ளன.

இலண்டனில் வெளிவரும் பத்திரிகையான நியூஸ் ஆப் த வேல்ட் அதிரடி செய்தியை வெளியிட்டுள்ளது.பாகிஸ்தான் வீரர்கள் சூதாட்டத்தில் ஈடுபட்டதாகவும், லார்ட்ஸ் நடைபெறும் டெஸ்ட் போட்டியில் வேண்டுமென்றே நோபால்களை வீசியதாகவும் பத்திரிகை செய்தி தெரிவிக்கிறது. பாகிஸ்தான் அணியை சேர்ந்த 7 முக்கிய வீரர்கள் மீது சூதாட்ட குற்றச்சாட்டுகள் எழுந்துள்ளன.

இது தொடர்பான வீடியோ ஆதாரமும் இருப்பதாகவும் தெரிவிக்கப்படுகிறது.இது தொடர்பில் அணி தலைவர் சல்மான் பட், விக்கெட் கீப்பர் கம்ரான் அக்மல், வேகப்பந்து வீச்சாளர்கள் முகமது ஆசிப், முகமது அமீர் உள்ளிட்ட 7 வீரர்களிடம் ஸ்காட்லாந்து பொலிஸார் விசாரணைகளை நடத்தி உள்ளனர்.

இந்த தகவலை பாகிஸ்தான் கிரிக்கெட் வாரியமும் உறுதி செய்துள்ளது

டில்சானின் சதத்துடன் இலங்கை இறுதி போட்டியில் வெற்றி

Virakesari.
டில்சானின் அதிரடி சதத்தின் மூலம் முக்கோணத் தொடரின் இறுதி போட்டியில் இலங்கை அணி 74 ஓட்டங்களல் அபார வெற்றிப் பெற்றது.

இலங்கையில் நடைபெற்ற முத்தரப்பு கிரிக்கெட் போட்டியின் இறுதி ஆட்டத்தில் முதலில் களமிறங்கிய இலங்கை அணி, நிர்ணயிக்கப்பட்ட 50 ஓவர்களில் 8 விக்கெட் இழப்பிற்கு 299 ஓட்டங்களை பெற்றது.

இந்தியா, இலங்கை, நியூசிலாந்து ஆகிய 3 நாடுகள் பங்கேற்ற கிரிக்கெட் போட்டியின் லீக் ஆட்டத்தில் ஒவ்வொரு அணியும், மற்ற அணிகளுடன் தலா 2 முறை மோதின.

புள்ளிகள் அடிப்படையில் இலங்கை, இந்தியா முதல் இரண்டு இடங்களை பிடித்து இறுதிப் போட்டிக்கு தகுதி பெற்றன. நியூசிலாந்து வெளியேற்றப்பட்டது.

இந்நிலையில் இறுதிப் போட்டியில் களமிறங்கிய இந்திய-இலங்கை அணிகளுக்கிடையே போட்டியில் இலங்கை இலகுவாக வெற்றிபெற்றது.

இன்றைய போட்டியில் நாணயசுழற்சியில் வெற்றிபெற்ற இலங்கை அணி தலைவர் சங்ககர முதலில் துடுப்பெடுத்தாட தீர்மானித்தார். ஆரம்ப வீரர்களாக களமிறங்கிய டில்சானும், ஜயவர்தனவும் சிறப்பான இனைப்பாட்டத்தை ஏற்படுத்தினர். முதல் ஓவரை பிரவின் குமார் வீசினார்.

முதல் ஓவரில் 3 ஓட்டம் பெறப்பட்டது. 3 ஆவது ஓவரில் தில்சான் 2 பவுண்டரி விளாசினார். அதன்பின் இருவரும் சிறப்பாக துடுப்பெடுத்தாடினர். இதனால் இலங்கை அணியின் ஓட்ட எண்ணிக்கை உயர்ந்தது, 9.1 ஓவரில் இலங்கை அணி 50 ஓட்டங்களை பெற்றது.

சிறப்பாக விளையாடிய தில்சான் அரைசதம் அடித்தார், அவர் 36 பந்தில் 8 பவுண்டரி 1 சிக்ஸருடன் இந்த ஓட்ட எண்ணிக்கையை பெற்றார்.

மறுமுனையில் இருந்த ஜயவர்தன 39 ஓட்டங்களுடன் ஆட்டமிழந்தார். இந்த ஓட்ட எண்ணிக்கை மூலம் ஜயவர்தன தனது ஒரு நாள் போட்டியில் 9000 ஓட்டங்களை கடந்தார். ஜயவர்தன இந்த ஓட்ட எண்ணிக்கையை கடந்ததன் மூலம் 9000 ஓட்டங்களை பெற்ற மூன்றாவது இலங்கை வீரர் என்ற பெருமையை பெற்றார்.

இதனை தொடர்ந்து களமிறங்கிய தரங்க 6 ஓட்டங்களுடன் ஆட்டமிழக்க, பின்னர் களமிறங்கிய சங்ககார டில்சானுடன் இனைந்து சிறப்பான இனைப்பாட்டத்தை ஏற்படுத்தினார்.

இந்நேரத்தில் டில்சான் 100 ஓட்டங்களை பெற்றதன் மூலம் தனது ஒரு நாள் போட்டியில் 8 ஆவது சதத்தைப் பெற்றார்.

மறுமுனையில் இருந்த சங்ககார 71 ஓட்டங்களை பெற்று தனது ஒருநாள் போட்டியில் 58 ஆவது அரைச் சதத்தைப் பெற்றார்.

எனினும் தொடர்ந்து களமிறங்கிய இடை நிலை வீரர்கள் குறைந்த ஓட்டங்களுடன் ஆட்டமிழக்கு இறுதியில் இலங்கை அணி 50 ஓவர் முடிவில் 8 விக்கெட் இழப்பிற்கு 299 ஓட்டங்களை பெற்றது. இந்நிய அணியின் பந்து வீச்சில் பட்டேல் மற்றும் சர்மா ஆகியோர் தலா 2 விக்கெட்டுகளை கைப்பற்றினர்.

இதனையடுத்து 300 எனும் வெற்றி இலக்கை அடைய பதில் துடுப்பெடுத்தாடிய இந்திய அணி 46.5 ஓவர்களில் அனைத்து விக்கெட்டுகளையும் இழந்து 225 ஓட்டங்களை பெற்று தோல்வியை தழுவியது.

துடுப்பாட்டத்தில் செவாக் 28 ஓட்டங்களையும், கார்திக் ஓட்டம் எதுவும் பெறாதும், ஹோலி 37 ஓட்டங்களையும், யுவராஜ் 26 ஓட்டங்களையும், ரெய்னா 29 ஓட்டங்களையும், தோனி 67 ஓட்டங்களையும் பெற்று ஆட்டமிழந்தனர்.

எனவே இந்திய அனைத்து விக்கெட்டுகளையும் இழந்து 225 ஓட்டங்களை மட்டுமே பெற்றது.

பந்து வீச்சில் பெரேரா மற்றும் ரன்தீவ் தலா 03 விக்கெட்டுகளையும், மாலிங்க 2 விக்கெட்டுகளையும் மெத்தியுஸ் ஒரு விக்கெட்டையும் கைப்பற்றினர்.

இதன் அடிப்படையில் முக்கோணத் தொடர் இலங்கை வசமானது.

இந்திய அணியின் நன்மைக்காக கருத்து கூறினேன்: அக்ரம்.

Virakesari.
சில தினங்களுக்கு முன்னர் பாகிஸ்தான் அணியின் முன்னாள் தலைவரும் வேகப்பந்து வீச்சாளருமான வசிம் அக்ரம் இந்தியாவின் வேகப்பந்து வீச்சாளர்களை மிகவும் கடுமையாக விமர்சித்திருந்தார். வசிமின் இத்தகைய கருத்திற்கு இந்திய அணி தலைவர் டோனி எதிர்ப்பு தெரிவித்தார்.

இதையடுத்து வசிம் தற்போது இந்தியாவின் நன்மைக்காகவே அக்கருத்தைக் கூறியதாக பேட்டியளித்துள்ளார். சமீப கால இந்திய பந்து வீச்சாளர்கள் நீண்ட நாட்கள் கிரிக்கெட் போட்டிகளில் நிலைக்க முடியவில்லை வரும் போது உள்ள திறன் 5 ஆண்டுகளுக்கப் பிறகு காணாமல் போய்விடுகிறது.

அவர்கள் மிகுந்த பயிற்சி எடுக்க வேண்டும். அப்போதுதான் 10, 15 ஆண்டுகள் நிலைத்து நிற்க முடியும் இதை அவர்களின் நன்மைக்காகவே கூறினேன் என்றும் இதில் எவ்வித உள்நோக்கமும் கிடையாது என வசிம் அக்ரம் தெரிவித்துள்ளார்.

செவாக்கின் சதத்துடன் இந்தியாவுக்கு இலகு வெற்றி

Virakesari.

இலங்கையில் நடைபெற்றுவரும் முத்தரப்பு ஒருநாள் தொடரில் நியூசிலாந்துக்கு எதிரான ஒரு நாள் போட்டியில் இந்திய அணியின் ஆரம்ப துடுப்பாட்ட வீரர் விரேந்தர் செவாக்கின் சதத்துடன் இந்திய அணி இலகுவாக வெற்றி பெற்றது.

இலங்கை, இந்தியா, நியூசிலாந்து அணிகளுக்கு இடையேயான முத்தரப்பு ஒருநாள் போட்டி தம்புளை ரங்கிரி மைதானத்தில் நடைபெற்று வருகிறது. இதன் 6 ஆவது லீக் ஆட்டத்தில் நியூசிலாந்து அணியும் இந்திய அணியும் மோதின.

இன்றைய போட்டியில் இரு அணிகளும் கட்டாயம் வெற்றிபெற வேண்டிய கட்டாயத்தில் களமிறங்கின.

நாணய சுழற்சியில் வென்ற இந்திய அணி முதலில் துடுப்பெடுத்தாட தீர்மானித்தது. ஆரம்ப துடுப்பாட்ட வீரர்களான தினேஷ் கார்த்திக் ஓட்டம் எதுவும் பெறாது முதல் ஓவரிலேயே வெளியேறினார். இதனையடுத்து, கொஹ்லி, யுவராஜ், ரெய்னா ஆகியோர் முறையே 8, 6, 1 ஓட்டங்களுடன் அடுத்தடுத்து ஆட்டமிழந்தனர்.

எனினும் மறு முனையில் ஆரம்ப ஆட்டக்காரரான செவாக் அதிரடியாக ஓட்டங்களை பெற்றார். இவருடன் ஜோடி சேர்ந்த அணி தலைவர் தோனி நிதானமாக ஆடினார். 93 பந்துகளைச் சந்தித்த செவாக் 110 ஓட்டங்களை எடுத்த நிலையில் மெக்லம் பந்துவீச்சில் வாட்லிங்கிடம் பிடி கொடுத்து ஆட்டமிழந்தார்.

பின்னர் வந்தவர்கள் அனைவரும் குறைந்த ஓட்டங்களுடன் ஆட்டமிழந்ததால் இந்திய அணி 223 ஓட்டங்களுக்கு அனைத்து விக்கெட்டுகளையும் இழந்தது.

224 எனும் வெற்றி இலக்கை அடைய பதில் துடுப்பெடுத்தாடிய நியூசிலாந்து அணிக்கு இலக்கு நிர்ணயிக்கப்பட்டது. நியூசிலாந்தின் ஆரம்ப வீரர்கள் ஓட்டங்களை பெற திணறினர். பின் வரிசையில் வந்த கேடி மில்ஸ் மட்டும் அதிரடியாக ஆடி 52 ஓட்டங்களை சேர்த்தார்.

பந்துவீச்சில் மிரட்டிய பிரவின் குமார் நியூசிலாந்தின் மூன்று முக்கிய விக்கெட்களை கைப்பற்றினார். முனாப் படேல் 3 விக்கெட்களையும், ஆஷிஷ் நெஹ்ரா 2 விக்கெட்களையும், ஜடேஜா, இஷாந்த் சர்மா ஆகியோர் தலா ஒவ்வொரு விக்கெட்டையும் கைப்பற்றினர்.

நியூசிலாந்து அணியால் 118 ஓட்டங்கள் மட்டுமே சேர்க்க முடிந்தது. இறுதியில் இந்திய அணி 105 ஓட்டங்கள் வித்தியாசத்தில் வெற்றி பெற்று இறுதி போட்டிக்கு தகுதிப் பெற்றது. ,

சார்ஜா வெற்றி தான் சிறந்தது: குமார் சங்ககார

Virakesari.

முத்தரப்பு தொடரில் வென்றதை விட, சார்ஜாவில் இந்தியாவுக்கு எதிராக பெற்ற வெற்றிதான் சிறந்தது என, இலங்கை அணி தலைவர் குமார் சங்ககார தெரிவித்துள்ளார்.

இலங்கையில் முத்தரப்பு கிரிக்கெட் தொடர் நடைபெறுகின்றது. இதில் நேற்று முன்தினம் இந்திய அணி, இலங்கையிடம் 8 விக்கெட் வித்தியாசத்தில் தோல்வியடைந்தது. மிகப்பெரிய அளவிலான இந்த வெற்றிக்கு, இலங்கை அணி தலைவர் சங்ககார இரண்டாவது இடம் தான் கொடுத்துள்ளார்.

இதுகுறித்து இவர் கூறியது:

இந்திய அணிக்கு எதிரான மிகப்பெரிய வெற்றி என்றால், அது சார்ஜாவில் பெற்றது வெற்றி தான். கடந்த 2000, ஒக்டோபரில் நடைபெற்ற அந்த போட்டியில் இந்திய அணிக்கு 300 ஓட்டங்கள் இலக்கு நிர்ணயித்து இருந்தோம். ஆனால் 54 ஓட்டங்களுக்கு அனைத்து விக்கெட்டுகளையும் இழந்து படுதோல்வியடைந்தது. மிகப்பெரிய அணிக்கு எதிராக பெற்ற, இந்த மிகப்பெரிய வெற்றிதான் சிறந்தது.

எனது கிரிக்கெட் வாழ்க்கையில் பெற்ற இந்த வெற்றி மறக்க முடியாது. அணியின் முன்னணி வீரர்கள் ஓய்வு பெற்ற நிலையில், நேற்று முன்தினம் கிடைத்த வெற்றி, எங்கள் தன்னம்பிக்கையை அதிகரித்துள்ளது. இருப்பினும் போட்டிகளில் தொடர்ந்து வெற்றி பெறுவது தான் முக்கியம்.

இந்திய வீரர்களுக்கு எதிராக தவறான அவுட் கொடுக்கப்பட்டது போன்று இனி வரும் போட்டிகளில் நடந்தவிடக் கூடாது. என சங்ககார தெரிவித்தார்.

செய்திகள் வெளியிட இங்கிலாந்து வீரர்களுக்கு தடை

Virakesari.

"டுவிட்டர்` அல்லது "பேஸ் புக்கில்` செய்திகள் வெளியிட, இங்கிலாந்து வீரர்களுக்கு தடை விதிக்கப்பட உள்ளது.

குறுந்தகவல்களை பரிமாறிக்கொள்ள உதவும் "டுவிட்டர்`, "பேஸ் புக்` போன்ற இணையதள சேவை, சமீபத்தில் அதிக பிரபலம் அடைந்து வருகிறது. இந்தியாவில் சச்சின், சேவக் போன்ற முக்கிய வீரர்கள் இதில் இணைந்துள்ளனர்.

இதேபோல, இங்கிலாந்தின் 19 வயதுக்குட்பட்ட அணியின் முன்னாள் கேப்டனாக இருந்தவர் அஜீம் ரபிக். இவர் சமீபத்தில் "டுவிட்டரில்` வெளியிட்ட செய்தியில், தனது பயிற்சியாளரை "ஒன்றுக்கும் உதவாதவர்` என கடும் வார்த்தையால் திட்டியிருந்தார். இதனால் இலங்கைக்கு எதிரான தொடரில் இருந்து நீக்கப்பட்ட இவர், அபராதம் மற்றும் ஒருமாத தடையை எதிர்நோக்கியுள்ளார்.

இந்நிலையில் இங்கிலாந்தின் பீட்டர்சன், ஆண்டர்சன், சுவான், ஸ்டீவன் பின் ஆகியோரும் இதில் இணைந்துள்ளனர். இவர்களுக்கு ஒரு லட்சத்து 50 ஆயிரம் ரசிகர்கள் உள்ளனர். இவர்கள் மூலம் "டிரசிங் ரூமில்` மற்றும் களத்தில் நடக்கும் முக்கிய விஷயங்கள், "டுவிட்டரில்` வெளியாக வாய்ப்புள்ளது என அணி நிர்வாகம் நினைக்கிறது.

இதுகுறித்து "டெய்லி மெயில்` என்ற பத்திரிகையில் வெளியான செய்தியில், இங்கிலாந்து கிரிக்கெட் போர்டு (இ.சி.பி.,) மற்றும் வேல்ஸ் கிரிக்கெட் போர்டு இணைந்து, 2010-11ல் வீரர்களுக்கு புதிய ஒப்பந்த விதியை அறிமுகம் செய்கிறது. இதன் படி கிரிக்கெட் தொடர்கள் நடந்து கொண்டிருக்கும் போது, வீரர்கள் "டுவிட்டர்`, "பேஸ் புக்` போன்றவற்றில் தகவல்களை பரிமாறிக்கொள்ள தடை விதிக்கப்பட உள்ளது. இதற்கு அணியின் கேப்டன் ஸ்டிராஸ் ஆதரவு தெரிவித்துள்ளார்.

இந்தியாவை வீழ்த்தியது இலங்கை.

Virakesari.
பெரேராவின் சிறப்பான பந்துவீச்சால் இந்தியாவுக்கு எதிரான கடைசி லீக் ஆட்டத்தில் 8 விக்கெட் வித்தியாசத்தில் இலங்கை அணி வெற்றி பெற்றது. இதன் மூலம் அந்த அணி இறுதி ஆட்டத்துக்கு முன்னேறியுள்ளது. தம்புலாவில் நடைபெற்று வரும் முத்தரப்பு ஒருநாள் தொடரில், இந்திய- இலங்கை அணிகள் மோதிய ஆட்டம் ஞாயிற்றுக்கிழமை நடைபெற்றது.

இந்த போட்டித் தொடரில் முதன் முறையாக நாணய சுழற்சியில் வென்ற இந்திய அணிமுதலில் துடுப்பாடியது. இறுதி ஆட்டத்துக்குத் தகுதி பெற இந்த ஆட்டத்தில் கட்டாயம் வென்றே தீர வேண்டும் என்ற நெருக்கடியில் இலங்கையும், இறுதிச் சுற்று வாய்ப்பை பிரகாசப்படுத்திக் கொள்ளும் முனைப்பில் இந்தியாவும் களமிறங்கின. தொடக்க வீரர்களாக இந்தியாவின் தினேஷ் கார்த்திக், சேவாக் களமிறங்கினர்.

அதிரடியாக விளையாடி, இலங்கை பந்துவீச்சாளர்களைத் திணறடிப்பார் என எதிர்பார்க்கப்பட்ட சேவாக், 12 ஓட்டங்களுக்கு ஆட்டமிழந்து ரசிகர்களை ஏமாற்றமடையச் செய்தார்.

குலசேகரவின் பந்துவீச்சில் எல்.பி.டபிள்யூ.வாகி அவர் வெளியேறினார். மற்றொரு தொடக்க ஆட்டக்காரர் தினேஷ் கார்த்திக் 9 ஓட்டங்கள் ஆட்டமிழந்தார்.

இதை அடுத்து ரோஹித் சர்மாவும், யுவராஜ் சிங்கும் ஆட்டத்தைத் தொடர்ந்தனர். டெங்கு காய்ச்சலால் கடந்த போட்டியில் விளையாடாத யுவராஜ் சிங் இந்த ஆட்டத்தில் சிறப்பாக விளையாடினார். இது இந்தியா ஓரளவுக்கு சொல்லும்படியான ஸ்கோரை எட்டுவதற்கு உதவியது.11 ஓட்ட்ங்கள் எடுத்திருந்த போது சர்மா ஆட்டமிழந்தார்.

50 ஓட்ட்ங்களுக்கு இந்திய அணி 3 விக்கெட்டுகளைப் பறிகொடுத்தது. இதை அடுத்து, களம் புகுந்த ரெய்னாவும் 8 ஓட்டங்களில் ஆட்டமிழந்தார்.

அடுத்து களமிறங்கிய டோனி, ஒரே ஓவரில் இரு பவுண்டரிகளை விளாசினார். எனினும், சிறிது நேரத்துக்குள்ளேயே ஆட்டமிழந்தார். 10ஓட்டங்கள் எடுத்திருந்த நிலையில் பெரேரா பந்துவீச்சில் சங்ககராவிடம் கேட்ச் கொடுத்து ஆட்டமிழந்தார் டோனி.

பெரேரா, குலசேகர மேத்யூஸ், மலிங்கா ஆகிய நால்வர் கூட்டணியின் தாக்குதலுக்கு, இந்திய வீரர்கள் ஈடுகொடுக்க முடியாமல் அடுத்தடுத்து ஆட்டமிழந்தனர்.

ஜடேஜா, பிரவீண் குமார் ஆகியோர் ஓட்ட்ங்கள் ஏதும் எடுக்காமல் ஆட்டமிழந்தனர்., இந்திய வீரர்கள் சரியாக விளையாடாததன் காரணம் என்னவென்று புரியவில்லை!

மறுமுனையில் அதிரடியாக விளையாடும் யுவராஜ் சிங், தொடர்ச்சியான விக்கெட் வீழ்ச்சி காரணமாக அடித்து ஆடுவதை விடுத்து மிகவும் பொறுமையாக விளையாடினார். எனினும், 38 ஓட்ட்ங்களில் அவர் ஆட்டமிழந்தார். இந்தியா அணி103ஓட்டங்களை மட்டும் பெற்றது.

அதிரடியான தொடக்கம்: 104 ரன்கள் எடுத்தால் வெற்றி என்ற எளிய இலக்குடன் இலங்கை அணி களமிறங்கியது. ஜெயவர்த்தனேவும், தில்ஷனும் தொடக்க ஆட்டக்காரர்களாக களமிறங்கினர். ஆரம்பம் முதலே அதிரடியான ஆட்டத்தை வெளிப்படுத்தினர். 35 பந்துகளைச் சந்தித்த ஜெயவர்த்தனே 6 பவுண்டரிகளுடன் 33 ஓட்டங்களை எடுத்தார். தில்ஷன் 35 ஓட்டங்களை எடுத்து ஆட்டமிழந்தார். இதில் 8 பவுண்டரிகள் அடங்கும்.

இதை அடுத்து தரங்காவும், சங்ககராவும் ஜோடி சேர்ந்தனர். மேலும், விக்கெட் வீழ்ச்சி அடைவதைத் தவிர்த்து நிதானத்துடன் ஆடி, அணியை வெற்றிக்கு அழைத்துச் சென்றனர்.

பாக்கிஸ்தான் பந்து வீச்சில் சரிந்தது இங்கிலாந்து

பாக்கிஸ்தான் மற்றும் இங்கிலாந்து அணிகளுக்கிடையில் நடைபெற்ற 3வது டெஸ்ட் போட்டியில் பாக்.அணி 4 விக்கெட்டுக்களால் வெற்றி பெற்றது. இந்தப் போட்டியில் சிறப்பாக செயற்பட்ட பாக்.அணி பந்து வீச்சாளர்கள் இங்கிலாந்து அணியை ஆரம்பத்தில் இருந்தே மிரட்டி வந்தனர்.

இதன் அடிப்படையில் முதலில் துடுப்பெடுத்தாடிய இங்கிலாந்து அணி தனது முதல் இனிங்ஸில் 223 ஓட்டங்களை பெற்றுசகல விக்கெட்டுக்களையும் இழந்தது. முதல் இனிங்ஸில் ஆடிய பாக்.அணி 308 ஓட்டங்களை பெற்று இங்கிலாந்துக்கு சவால் விடுக்க தமது 2வது இனிங்ஸை அரம்பித்த இங்கிலாந்து அணி வெறும் 222 ஓட்டங்களை மட்டுமே பெற்றது. இதனடிப்படையில் பாக்.அணிக்கு 147 ஓட்டங்கள் வெற்றி இலக்காக தீர்மானி;க்கப்பட பாக்.அணி 6 விக்கெட்டுக்களை இழந்து இலக்கை அடைந்து வெற்றி பெற்றது.

இலங்கை - நியுசிலாந்து ஒருநாள் போட்டி கைவிடப்பட்டது

Sooriyan

இலங்கை மற்றும் நியுசிலாந்து அணிகளுக்கு இடையில் இன்று நடைபெற்ற ஒருநாள் போட்டி மழை காரணமாக முற்றாக கைவிடப்பட்டது.


நேற்றைய தினம் நடைபெறவிருந்த இந்த போட்டி மழை காரணமாக பாதிப்படைந்ததைத் தொடர்ந்து, அது இன்று நடத்தப்பட்டது.

எனினும் இலங்கை அணி துடுப்பாடிய வேளையில், மீண்டும் மழை குறுக்கிட்டதைத் தொடர்ந்து, போட்டி கைவிடப்பட்டதாக அறிவிக்கப்பட்டுள்ளது.

இந்த போட்டியில் நாணய சுழற்சியில் வெற்றி பெற்று முதலில் துடுப்பாடிய இலங்கை அணி, 43.4 ஓவர்கள் நிறைவில் 203 ஒட்டங்களை பெற்றுள்ளது.
மஹெல ஜெயவர்தன 59 ஓட்டங்களை பெற்றிருந்தார்.

ரோஜர் சம்பியன் கிண்ணத்தை தனதாக்கிய முறே

virakesari.
டொரண்டோ ரோஜர் சம்பியன் கிண்ண டெனிஸ் போட்டியில் அண்டி முறே சம்பியன் பட்டத்தை தனதாக்கியுள்ளார்..

சுவிஸ்லாந்தின் ரோஜர் பெடரரை 7-5, 7-5 என்ற செட் கணக்கில் வெற்றிக்கொண்டு அண்டி முறே சம்பியன் பட்டத்தை தனதாக்கியுள்ளார்.

இதேவேளை காலிறுதி சுற்றில் ஸ்பெயின் வீரர் ரோஜர் பெடரை அண்டி முறே வெற்றிகொண்டார்.

சுவிஸ்லாந்தின் ரோஜர் பெடரர் மற்றும் ஸ்பெயினின் ரிப்பில் நடால் ஆகியோரை நான் வெற்றிக்கொண்டது இதுவே முதல் தடவையாகும் என அண்டி முறே கருத்து தெரிவித்துள்ளார்

'நோ-போல்' சர்ச்சை : இந்தியாவிடம் இலங்கை மன்னிப்பு

vurakesari.
இந்திய, இலங்கை அணிகளிடையே இடம்பெற்ற போட்டியில் சேவாக் சதம் அடிப்பதைத் தடுக்க, இலங்கை அணித் தலைவர் சங்ககாராவின் அறிவுறுத்தலின்படி ரந்திவ் 'நோ-போல்' வீசியுள்ளதாக பலவாறான குற்றசாட்டுகள் எழுந்துள்ளன.

இதனையடுத்து இப்பிரச்சினையில் இந்தியாவிடம், இலங்கை கிரிக்கெட் கட்டுப்பாட்டுசபை மன்னிப்பு கேட்டுள்ளதாகத் தெரிவிக்கப்படுகிறது.

இதற்கிடையில்ஆறு உறுப்பினர்கள் அடங்கிய குழு ஒன்று, இந்த சர்ச்சை குறித்து அணியின் முகாமையாளர் அனுர தென்னக்கோன் தலைமையில் உடனடி விசாரணை மேற்கொண்டு வருவதாக இலங்கை கிரிக்கெட் வாரியம் தெரிவித்துள்ளது.

நேற்றைய ஆட்டத்தில் இலங்கையை வென்றது இந்தியா

Virakesari.
தம்புள்ளையில் நடந்த நேற்றைய முத்தரப்புப் போட்டியில் இந்தியா-இலங்கை அணிகள் மோதின. இந்தியா 6 விக்கட்டுக்களால் வெற்றி பெற்றது. வருகிறது.

இப்போட்டித் தொடரில் இந்தியா, இலங்கை, நியூசிலாந்து ஆகிய நாடுகள் பங்கேற்று வருகின்றன.

தொடக்க ஆட்டத்தில் நியூசிலாந்து அணி 200 ரன்கள் வித்தியாசத்தில் இந்தியாவையும், 2ஆவது ஆட்டத்தில் இலங்கை அணி 3 விக்கட் வித்தியாசத்தில் நியூசிலாந்தையும் வென்றது.

இந்த நிலையில் 3ஆவது லீக் ஆட்டத்தில் இந்தியா, இலங்கை அணிகள் நேற்று சந்தித்தன. இரு அணியிலும் தலா இரு மாற்றங்கள் செய்யப்பட்டிருந்தன. கணுக்கால் காயத்தில் இருந்து குணமாகி விட்ட இஷாந்த் ஷர்மா மீண்டும் அணிக்கு திரும்பினார்.

இதனால் அபிமன்யு மிதுன் நீக்கப்பட்டார். யுவராஜ்சிங் டெங்கு காய்ச்சலால் பாதிக்கப்பட்டிருப்பதால், அவருக்கு பதிலாக விராட் கோக்லி இடம்பெற்றார். இலங்கை அணியில் ஹெராத், மெண்டிஸ் நீக்கப்பட்டு சூரஜ் ரந்தீவ், பெர்னாண்டோ சேர்க்கப்பட்டனர்.

நாணய சுழற்சியில் வெற்றிபெற்ற இலங்கை அணி தொடக்கத்திலேயே நிலைகுலைந்தது. ஓட்ட எண்ணிகையை தொடங்கும் முன்பே விக்கெட்டுக்களை இழக்கத் தொடங்கியது.

பிரவீன்குமாரின் முதல் பந்தில் ஆரம்ப துடுப்பாட்டக்காரர் தரங்கா (0) 'கிளீன் போல்ட்' ஆனார். பிரவீன்குமார், நெஹ்ரா, இஷாந்த் ஷர்மா ஆகியோரின் மும்முனை தாக்குதலில் இலங்கையின் விக்கட்டுகள் சரிந்தன. அங்கு நிலவிய `ஸ்விங்' பந்து வீச்சுக்கு ஏற்ற சூழலை இந்திய பவுலர்கள் கச்சிதமாக பயன்படுத்திக் கொண்டனர்.

ஒரு பக்கத்தில் விக்கெட் போனாலும், மறுபுறம் கொஞ்சம் தாக்குப்பிடித்து ஆடிய மற்றொரு துடுப்பாட்ட வீரர் தில்ஷான் 45 ஓட்டங்களில் (62 பந்து, 5 பவுண்டரி) ஆட்டமிழந்தார். மத்தியில் பிரக்யான் ஓஜா, ரவீந்திர ஜடேஜா ஆகியோரின் சுழலிலும் இலங்கை துடுப்பாட்ட வீரர்கள் தடுமாறினர்.

இறுதிகட்டத்தில் சூரஜ் ரந்தீவ் (43 ஓட்டங்கள், 61 பந்து, 4 பவுண்டரி), குலசேகரா (22 ஓட்டங்கள், 30 பந்து, 3 பவுண்டரி) ஆகியோரின் ஆட்டம் இலங்கை அணிக்கு சற்று ஆறுதல் அளிக்கும் வகையில் அமைந்தன.

முடிவில் இலங்கை அணி 46.1 ஓவர்களில் 170 ஓட்டங்களில் சகல விக்கட்டுக்களையும் இழந்தது. இந்திய தரப்பில் பிரக்யான் ஓஜா 3 விக்கட்டுக்களும், பிரவீன்குமார், இஷாந்த் ஷர்மா, ஜடேஜா ஆகியோர் தலா 2 விக்கட்டுக்களும், நெஹ்ரா ஒரு விக்கட்டும் எடுத்தனர்.

அடுத்து 171 ஓட்டங்கள் எடுத்தால் வெற்றி என்ற இலக்கை நோக்கி இந்திய அணி ஆடியது. தொடக்க ஆட்டக்காரர்கள் ஷேவாக்கும், தினேஷ் கார்த்திக்கும் முதல் விக்கட்டுக்கு 30 ஓட்டங்கள் சேர்த்த நிலையில் மெத்யூஸ் பந்து வீச்சில் பிரிந்தனர். தினேஷ் கார்த்திக் 10 ஓட்டங்களில் ஆட்டமிழந்தார்.

சர்ச்சை

அடுத்த 2 ஓவர்களில் விராட் கோக்லி, ரோகித் ஷர்மா இருவரும் 'டக்-அவுட்' ஆனதால் இந்திய அணிக்கு நெருக்கடி ஏற்பட்டது. இதில் ரோகித் ஷர்மாவின் 'ஆட்டமிழப்பு சர்ச்சையை ஏற்படுத்தியது. 'துடுப்பின் உள்பகுதியில் பட்டு அதன் பிறகு காலில் பட்ட பந்துக்கு எல்.பி.டபிள்யூ கொடுக்கப்பட்டதால் அவர் மிகவும் அதிருப்தியுடன் வெளியேறினார்.

32 ஓட்டங்களுக்குள் 3 துடுப்பாட்ட வீரர்கள் வெளியேறிய நிலையில், 4ஆவது விக்கெட்டுக்கு ஷேவாக்குடன், சுரேஷ் ரெய்னா ஜோடி சேர்ந்தார். இருவரும் அணியை சரிவில் இருந்து மீட்டனர்.

ஷேவாக் தனது வழக்கமான அதிரடியைக் கைவிட்டுவிட்டு, நிலைமைக்கு தக்கப்படி ஆடி அணிக்கு கைகொடுத்தார். அணியின் ஸ்கோர் 91 ரன்களை எட்டிய போது ரெய்னா 21 ஓட்டங்களில் (35 பந்து, 2 பவுண்டரி) ஆட்டமிழந்தார்.

அடுத்து கேப்டன் டோனி இறங்கினார். ஷேவாக்கின் நேர்த்தியான ஆட்டம் அணியை வெற்றியை நோக்கி அழைத்து சென்றது. வெற்றி உறுதியானதால் ஷேவாக்கின் வேகமும் கூடியது. அணியின் வெற்றிக்கு ஒரு ஓட்டம் தேவைப்பட்ட போது, அவரது சதத்திற்கும் ஒரு ஓட்டம் தேவைப்பட்டது.

அந்த பந்தை அவர் 'சிக்சரு'க்கு விளாச, அது `நோ-பால்' என்று அறிவிக்கப்பட்டதால், அதன் மூலம் 'எக்ஸ்ட்ரா' வகையில் ஒரு ஓட்டம் கிடைத்ததால் இந்திய அணி இலக்கை எட்டியது. இதனால் ஷேவாக்கின் 'சிக்சர்' வீணானதுடன், அவரது சதம் வாய்ப்பும் நழுவிப்போனது.

34.3 ஓவர்களில் இந்திய அணி 4 விக்கெட்டுக்கு 171 ஓட்டங்கள் சேர்த்து 6 விக்கட்டுக்கள் வித்தியாசத்தில் வெற்றி பெற்றது.

ஷேவாக் 99 ஓட்டங்களுடனும் (100 பந்து, 11 பவுண்டரி, 2 சிக்சர்), டோனி 23 ஓட்டங்களுடனும் (38 பந்து, 2 பவுண்டரி) களத்தில் இருந்தனர். 40 ஓவருக்குள் வெற்றி பெற்றதால் இந்திய அணி போனஸ் புள்ளியையும் (1 புள்ளி) சேர்த்து மொத்தம் 5 புள்ளிகள் பெற்றது.

எதிர்வரும் 19ஆந் திகதி நடைபெறும் அடுத்த ஆட்டத்தில் இலங்கை- நியூசிலாந்து அணிகள் மோதுகின்றன. ,

இலங்கை மற்றும் இந்திய அணிகள் இன்று களத்தில்

Virakesari.
இலங்கை மற்றும் இந்திய அணிகள் கலந்துக்கொள்ளும் சர்வதேச ஒருநாள் முக்கோண தொடர் இன்று தம்ப்புள்ளையில் நடைபெறுகிறது. இந்திய அணியை பொறுத்தமட்டி இது முக்கியமான போட்டியாக கருதபப்டுகிறது.

நியூசிலாந்து மற்றும் இந்திய அணிகளுகிடையில் இடம்பெற்ற போட்டியில் இந்தியா படு தோல்வியை சந்தித்தது. டெங்கு நோயினால் பாதிக்கப்பட்ட யுவராஜ் சிங் இந்த போட்டியில் கலந்துக்கொள்ள மாட்டார் என அறிவிக்கப்பட்டுள்ளது.

இலங்கை அணி தலைவர் சங்கக்கார தலைமையில்: மஹெல ஜெயவர்தன,டில்ஷான், ரண்டிவ்,மலிங்க,மெண்டிஸ்,டி.டி சமரவீர,தரங்க,எல்.பி.சி சில்வா,சி.ஆர்.டி பனாண்டோ,கே.பி ஹெரத் ஆகியோர் விலையாடுகின்றனர்.

டோணி தலைமையிலான இந்திய அணியில் :

சேவாக்,அஸ்வின்,கடி,கார்திக்,நெஹெரா,ஹோஜா,முனாப் பட்டேல்,கோல்,மிதுன்,குமார் சுரேஷ் ரயினா,சர்மா,திவாரி,ஆகியோர் கலந்துகொள்கின்றனர்.

மாலிங்க மெத்தியுஸ் அதிரடி பந்து வீச்சில் இலங்கைக்கு இலகு வெற்றி

Virakesari.

நியுசிலாந்துடனான முக்கோணத் தொடரின் இரண்டாவது போட்டியில் மாலிங்க மற்றும் மெத்தியுஸ் பந்து வீச்சில் இலங்கை இலகுவாக வெற்றி பெற்றது. இலங்கை, இந்தியா மற்றும் நியுசிலாந்து ஆகிய அணிகள் பங்கேற்கும் முக்கோண ஒரு நாள் போட்டித் தொடர் தம்புளை மைதானத்தில் நடைபெற்று வருகின்றது.

இன்றைய ஆட்டத்தில் நாணய சுழற்சியில் வெற்றி பெற்ற நியுசிலாந்து அணி முதலில் துடுப்பெடுத்தாடி 48.1 ஓவர்களில் அனைத்து விக்கெட்டுகளையும் இழந்து 192 ஓட்டங்களை பெற்றது.

நியுசிலாந்து அணியின் ஆரம்ப துடுப்பாட்ட வீரர்களாக களமிறங்கிய குப்டில் மெத்தியுஸின் முதல் பந்து வீச்சிலேயே ஓட்டம் எதுவும் பெறாது ஆட்டமிழந்து சென்றார். தொடர்ந்து களத்தில் நிதானமாக துடுப்பெடுத்தாடிய வொட்லின் 55 ஓட்டங்களை பெற மறுபுறத்தில் களமிறங்கிய வீரர்கள் குறைந்த ஓட்டங்களுடன் இலங்கை அணி வீரர்களின் பந்து வீச்சுக்கு முகம் கொடுக்க முடியாது ஆட்டமிழந்தனர்.

அணி தலைவர் டெய்லர் 16 ஓட்டங்களையும், ஸ்டைரிஸ் 24 ஓட்டங்களையும், மெக்லம் 36 ஓட்டங்களையும் மில்ஸ் 11 ஓட்டங்களையும் பெற்றனர். பந்து வீச்சில் மாலிங்க மற்றும் மெத்தியுஸ் அதிரடியாக பந்து வீசி தலா 3 விக்கெட்டுகளையும், ஹேரத் 2 விக்கெட்டுகளையும், கைப்பற்றினர்.

193 எனும் இலகு வெற்றிலக்கை அடைய பதில் துடுப்பெடுத்தாடிய இலங்கை அணி 40.5 ஓவர்களில் 07 விக்கெட்டுகளை இழந்து 195 ஓட்டங்களை பெற்று வெற்றி பெற்றது. துடுப்பாட்டத்தில் ஆரம்ப துடுப்பாட்ட வீரராக களமிறங்கிய டில்சான் 5 ஓட்டங்களுடன் ஆட்டமிழந்தார். எனினும் மறுபுரத்தில் இருந்த ஆரம்ப துடுப்பாட்ட வீரர் தங்க அணி தலைவர் சங்ககாரவுடன் இனைந்து சிறப்பான இனைப்பாட்டத்தை ஏற்றபடுத்தினர். இருவரும் இனைப்பாட்டமாக 85 ஓட்டங்களை பெற்றிந்த போது சங்ககார 48 ஓட்டங்களுடன் ஆட்டமிழந்தார். தொடர்ந்து களமிறங்கிய ஜயவர்த்தன 5 ஓட்டங்களுடன் ஆட்டமிழக்க இடைநிலை வீரராக களமிறங்கிய சமரவீர மற்றும் தரங் சிறப்பாக துடுப்பெடுத்தாடினர்.

தரங்க 70 ஓட்டங்களுடனும் ஆட்டமிழக்க, தொடர்ந்து களமிறங்கிய மெத்தியுஸ் ஓட்டம் எதுவும் பெறாது ஆட்டமிழக்க குலசேகர 7 ஓட்டங்களுடனும், ஹேரத் 2 ஓட்டங்களுடனும் ஆட்டமிழந்தனர்.

சமர வீர 36 ஓட்டங்களுடனும், கப்புகெதர 13 ஓட்டங்களுடனும் களத்தில் இருந்த போது இலங்கை அணி வெற்றி பெற்றது.

பந்து வீச்சில் மில்ஸ் 4 விக்கெட்டுகளை கைப்பற்றினார். போட்டியின் ஆட்டநாயகனாக தரங்க தெரிவுசெய்யப்பட்டதோடு இலங்கை அணி 4 புள்ளிகளுடன் இரண்டாவது இடத்தில் உள்ளது.

சாம்பியன் லீக் இருபது-20 அணிகள் அறிவிப்பு

Virakesari.

சாம்பியன் லீக் இருபது-20 தொடரில் பங்கேற்க உள்ள 10 அணிகள், நேற்று அறிவிக்கப்பட்டன. அதிகம் எதிர்பார்க்கப்பட்ட பிளின்டொப், காயம் காரணமாக சென்னை சூப்பர் கிங்ஸ் அணியிலிருந்து நீக்கப்பட்டார்.

தென் ஆப்ரிக்காவில் இரண்டாவது சாம்பியன் லீக் இருபது-20 கிரிக்கெட் தொடர் எதிர்வரும் செப். 10 ஆம் திகதி முதல் 26 வரை நடைபெற உள்ளது. இந்தியா, அவுஸ்திரேலியா மற்றும் தென் ஆப்ரிக்க கிரிக்கெட் சபைகள் இணைந்து இத்தொடரை நடத்தி வருகின்றன. உள்ளூர் இருபது-20 தொடர்களில் சாம்பியன் பட்டம் வென்ற கழக அணிகள் இதில் பங்கேற்கின்றன.

இதன் பரிசுத் தொகை சுமார் 200 கோடி ரூபாய். இந்த முறை மொத்தம் 10 அணிகள் பங்கேற்கின்றன. இந்தியா தரப்பில் சமீபத்தில் நடந்த ஐ.பி.எல்., தொடரில் முதல் மூன்று இடங்களை பிடித்த சென்னை சூப்பர் கிங்ஸ், மும்பை இந்தியன்ஸ், ரோயல் செலஞ்சர்ஸ் பெங்களுர் அணிகள் கலந்து கொள்கின்றன. தொடரில் பங்கேற்க உள்ள 10 அணிகளும், நேற்று 15 பேர் கொண்ட இறுதி பட்டியலை வெளியிட்டன.

தோனி தலைமையிலான சென்னை சூப்பர் கிங்ஸ் அணியில், இங்கிலாந்து வீரர் பிளின்டொப் இடம் பெறுவார் என எதிர்பார்க்கப்பட்டது. ஆனால் காயம் காரணமாக அவர் நீக்கப்பட்டார்.

ஐ.பி.எல் தொடரில், ரோயல் செலஞ்சர்ஸ் பெங்களுர் அணியில் இடம் பெற்றிருந்த கெமரூன் ஒயிட், விக்டோரியா புஷ்ரேஞ்சர்ஸ் அணியில் உள்ளார். ஆனால் சாம்பியன் லீக் விதிமுறைப் படி, ரூ. 1 கோடியை விக்டோரியா அணிக்கு நஷ்ட ஈடாக வழங்கிய, பெங்களுர் அணி நிர்வாகம் அவரை தக்கவைத்துக் கொண்டது.

இதே போல, வாரியஸ் அணியில் இடம் பெற்ற காலிஸ், சென்டிரல் ஸ்டாக்ஸ் அணியில் உள்ள ரோஸ் டெய்லர் ஆகியோரையும் பெங்களுர் அணி தங்கள் அணியில் வைத்துக் கொண்டது.

சாம்பியன் இருபது-20 தொடரில் பங்கேற்க உள்ள அணிகள்: சென்னை சூப்பர் கிங்ஸ் (இந்தியா): தோனி (தலைவர்), ஹெய்டன், பத்ரிநாத், முரளி விஜய், ரெய்னா, அஷ்வின், ஜகாதி, அனிருத் ஸ்ரீகாந்த், பாலாஜி, முரளிதரன், மைக்கல் ஹசி, பொலிஞ்சர், துஷாரா, அல்பி மார்கல் மற்றும் ஜோகிந்தர் சர்மா.

மும்பை இந்தியன்ஸ் (இந்தியா): சச்சின் (தலைவர்), தவான், ராயுடு, சவுரப் திவாரி, ஹர்பஜன், ஜாகிர், சதீஷ், அலி முர்டசா, குல்கர்னி, டாரே, போலார்டு, பிராவோ, டுமினி, மலிங்க மற்றும் மெக்லாரன்.

ரோயல் செலஞ்சர்ஸ் பெங்களுர் (இந்தியா): அனில் கும்ளே (தலைவர்), டிராவிட், உத்தப்பா, மனீஷ் பாண்டே, பிரவீண் குமார், வினய் குமார், விராட் கோஹ்லி, ஒயிட், ரோஸ் டெய்லர், ஸ்டைன், காலிஸ், டு பிரீஸ், அகில், மிதுன் மற்றும் நயன் டோஷி.

விக்டோரியா புஷ்ரேஞ்சர்ஸ் (ஆஸி.,): டேவிட் ஹசி (தலைவர்), கார்டர்ஸ், பின்ச், ஹார்வுட், ஹாஸ்டிங்ஸ், பிராட் ஹாட்ஜ், மெக்டொனால்டு, மெக்கெய்ன், மெக்கேய், மேக்ஸ்வெல், நானஸ், பட்டிசன், குய்னே, சிடில் மற்றும் மாத்யூ வேட்.

சதர்ன் ரெட்பேக்ஸ் (ஆஸி.,): மைக்கெல் கிளிங்கர் (தலைவர்), பெய்லி, டேனியல் ஹாரிஸ், கிரஹாம் மானோ, கிறிஸ்டியன், புட்லேண்ட், பீட்டர் ஜியார்ஜ், பெர்குசன், ஹேபர்பீல்டு, லூட் மேன், டெய்ட், கூப்பர், கிறிஸ் டூவல், போர்கஸ் மற்றும் ஆரோன் ஓ பிரைன்.

வாரியர்ஸ் (தென் ஆப்ரிக்கா): டேவி ஜேக்கப்ஸ் (தலைவர்), பிரின்ஸ், இங்ராம், பவுச்சர், போத்தா, போயே, கிரைக் திசன், திரான், நிடினி, சோட்சோபே, ஜஸ்டின் கிரஸ்க், கார்னட் கிரகர், ஜேக்கப்ஸ், லியால் மேயர் மற்றும் ஜான் ஸ்மட்ஸ்.

ஹைவெல்ட் லயன்ஸ் (தென் ஆப்ரிக்கா): அல்விரோ பீட்டர்சன் (தலைவர்), தமி சோல்கிலி, அலெக்சாண்டர், ஷேன் பர்கர், ரிச்சர்ட் கேமரான், கோட்சி, கிளிப் டெகான், ஜேன்டர், பிரைலிங்க், மெக்கன்சி, ஈத்தன், பாங்கிசோ, ஜீன் சைம்ஸ், ஜோனதான் மற்றும் ஜார்ஸ்வெல்டு.

சென்டிரல் டிஸ்ட்ரிக்ஸ் (நியூசிலாந்து): ஜேமி ஹவ் (தலைவர்), மில்னே, கிரிக்ஸ், பிராட் பேட்டன், டயமன்டி, பிரேஸ்வெல், ஜியார்ஜ் ஒர்கர், ஓரம், பர்னட், சின்கிளைர், மைக்கேல் மேசன், மெக்கிளேனகன், பீட்டர் இங்ராம், ரான்ஸ் மற்றும் வெஸ்டன்.

கயானா (வெஸ்ட் இண்டீஸ்): சர்வான் (தலைவர்), கிராண்டன், லெனாக்ஸ், டவ்லின், சாட்டர்கூன், டியோனரைன், ஜோனதான், டெர்வின் கிறிஸ்டியன், பார்ன்வெல், இசான் கிராண்டன், தேவேந்திரா, புடாடின், பால் வின்ட்ஸ், ஸ்டீபன் ஜேக்கப்ஸ் மற்றும் ரிச்சர்ட் ராம்தின்.

வயம்ப லெவன்ஸ் (இலங்கை): ஜெகன் முபாரக் (தலைவர்), உதாவட்டே, ஜயவர்தன, குலதுங்க, லொக்குராச்சி, ஜனித் பெரேரா, ஹெராத், வெலகெதர, மெண்டிஸ், மப்ரூப், திசரா பெரேரா, ஹனுகும்பர, கருணநாயகே, உதானா மற்றும் சொய்சா. ,

பங்களாதேஸ் அணிக்கு லான்ஸ் க்லூஸ்னர்

Sorriyan.

பங்களாதேஷ் அணியின் பந்து வீச்சு மற்றும் களத்தடுப்பு பயிற்று விப்பாளராக தென்னாபிரிக்கா அணியின் முன்னாள் சகல துறை ஆட்டகாரர் லான்ஸ் க்ளுஸ்நர் நியமிக்கப்பட்டுள்ளார்.
எதிர்வரும் 2011 ஆம் ஆண்டு இலங்கை இந்திய மற்றும் பங்களாதேஷ் ஆகிய நாடுகள் நடத்தும் உலக கிண்ண கிரிக்கட் போட்டிகளை கருத்தி கொண்டே லான்ஸ் க்ளுஸ்னருக்கு இந்த நியமனம் வழங்கப்பட்டுள்ளது.

இதேவேளை நியூசிலாந்துடனான சுற்று தொடருக்கும் க்ளுஸ்னரே பங்களாதேஷ் அணியின் பந்து வீச்சு மற்றும் களத்தடுப்பு பயிற்றுவிப்பாளராக செயல்படுவார் என பங்களாதேஷ் கிரிக்கட் கட்டுப்பாட்டு சபையின் பேச்சாளர் ரடீட் இமாம் தெரிவித்துள்ளார்.

இந்தியா 200 ஒட்ட வித்தியாசத்தில் படு தோல்வி

virakesari.
இந்திய மற்றும் நியூ சிலாந்து அணிகளுக்கிடயில் இடம்பெறும் முக்கோண ஒருநாள் சர்வதேச கிரிக்கெட் முதலாவது போட்டியில் இந்திய அணி 200 ஓட்ட வித்தியாசத்தில் படுதோல்வியடைந்தது.

தம்புளையில் நடைபெற்ற போட்டியில் நாணய சுழற்சியில் வெற்றி பெற்று முதலில் துடுப் பெடுத் தாடிய நியூ சிலாந்து அணி 48.5 ஒவர் களில் சகல விக் கட்டுக் களையும் இழந்து 288 ஒட்டங்களை பெற்றது.

துடுப்பாட்டத்தில் நியூசிலாந்து அணித் தலைவர் ரோஸ் டெய்லர் 95 ஒட்டங்களையும், ஸ்கொட் ஸ்டைரிஸ் 89 ஒட்டங் களையும் பெற்று கொடுத் தனர்.

பந்து வீச்சில் அசிஸ் நெஹரா 45 ஒட்டங்களுக்கு நான்கு விக்கட்டுக் களையும் பிரவீன் குமார் 43 ஒட்டங் களுக்கு மூன்று விக்கட் டுக் களையும் கைப் பற்றினர்.

சற்று கடின இலக்கை விரட்டிய இந்திய அணிக்கு, செவாக், தினேஷ் கார்த்திக் ஜோடி திறமையான துவக்கம் தந்தது. எனினும் 3 பவுண்டரிகள் உட்பட 19 ஓட்டங்கள் சேர்த்த செவாக், மில்ஸ் பந்து வீச்சில் ஆட்டமிழந்தார். அடுத்த ஓவரிலேயே தினேஷ் கார்த்திக்கும் 14 ஓட்டங்களுடன் ஆட்டமிழந்தார்.

இதனையடுத்து ரோகித் சர்மாவுடன் இணைந்தார் யுவராஜ் சிங். இதேவேளை டபி பந்து வீச்சில் சிறப்பாக காணப்பட்டது. எனவே இவரது பந்து வீச்சு வேகத்தில் ரோகித் 4 ஓட்டங்களுக்கு ஆட்டமிழந்தார்.

அடுத்து வந்த ரெய்னா வையும் 6 ஓட்டங்களுக்கு ஆட்டமிழக்க செய்து இந்திய அணிக்கு அதிர்ச்சி அளித்தார் டபி. அணியை தோல்வியிலிருந்து காப்பாற்ற வேண்டிய முக்கிய பொறுப்புடன் களமிறங்கிய தோனிக்கு, யுவராஜ் "வில்லனாக' மாறினார். டபி வீசிய பந்தை தட்டி விட்டார் தோனி. மறுமுனையில் தேவையில்லாமல், ரன் ஓட துவக்கம் தந்தார் யுவ ராஜ். இதனால் அவசரப் பட்ட தோனி 2 ஓட்டங்களுக்கு ஆட்டமிழந்தார்.

25 பந்துகளை எதிர்கொண்டு வெறும் 5 ஓட்டங்களுக்கு ஆட்டமிழந்தார். பின்வரிசையில் பிரவீண் 1 மிதுன் 4, நெஹ்ரா 4, ஓட்டங்களுடன் ஆட்டமிழந்தனர். 29.3 ஓவர் முடிவில் அனைத்து விக்கெட்டுகளையும் இழந்து இந்திய அணி வெறும் 88 ஓட்டங்களுக்கு படுதோல்வி அடைந்தது. நியூசிலாந்து தரப்பில் டபி 3, மில்ஸ், ஓரம் தலா 2 விக்கெட் வீழ்த்தினர். இவ்வெற்றி யின் மூலம் நியூசிலாந்து அணி 4 புள்ளிகள் பெற்றது. தவிர, மேலதிகமாகவும் ஒரு புள்ளி பெற்றது.

நியூசிலாந்துக்கு எதிராக நேற்று 88 ஓட்டங்களை பெற்ற இந்திய அணி, ஒரு நாள் கிரிக்கெட் அரங்கில் தனது 5 ஆவது குறைந்த பட்ச ஓட்ட எண்ணிக்கையை பதிவு செய்தது. போட்டியில் 58 ஓட்டங்கள் எடுத்திருந்த போது, ஒரு நாள் கிரிக்கெட்டில் 4000 ஓட்டங்களை எட்டிய 7 ஆவது நியூசிலாந்து வீரர் என்ற பெருமை பெற்றார் ஸ்டைரிஸ். இவர், 166 போட்டிகளில் விளையாடியுள்ளார். இதற்கு முன், பிளமிங் 8007, ஆஸ்லே 7090, கிறிஸ் கெய்ர்ன்ஸ் 4881, மெக்கலன் 4707, குரோவ் 4704, ஹாரிஸ் 4379 ஆகியோர் நியூசிலாந்து தரப்பில் 4 ஆயிரம் ஓட்டங்களை கடந்துள்ளனர்.

தனது முதல் ஒரு நாள் போட்டியில், நேற்று களமிறங்கிய நியூசிலாந்து வீரர் வில்லியம்சன், டக்-அவுட்டானார். இதன் மூலம் அறிமுக போட்டியில், களமிறங்கி "டக்-அவுட்டான' 15 வது நியூசிலாந்து வீரரானார்.

முத்தரப்பு ஒருநாள் கிரிக்கட் தொடர் இன்று ஆரம்பம்

Sooriyan
இந்தியா, இலங்கை மற்றும் நியூஸிலாந்து அணிகள் பங்கேற்கும் முக்கோண கிரிக்கட் போட்டிகள் இன்று தம்புள்ள ரன்கிரி சர்வதேச விளையாட்டுத் மைதானத்தில் ஆரம்பமாகின்றன.

இன்றைய முதலாவது போட்டியில் இந்திய மற்றும் நியூஸிலாந்து கிரிக்கட் அணிகள் பங்கேற்கின்றன.



பகல் இரவாக இடம்பெறும் இந்த போட்டி, பிற்பகல் 2.30 மணிக்கு ஆரம்பமாகவுள்ளதாக தெரிவிக்கப்பட்டுள்ளது.

இதனிடையே, இலங்கை அணியின் தலைவர் குமார் சங்கக்கார, தமது அணி போட்டிகளில் வெற்றி பெற முழு அளவிலான முயற்சிகளை மேற்கொள்ளும் என குறிப்பிட்டுள்ளார்.