விஸ்வரூபம்+முஸ்லிம்=???? (சுவைக்க ஒரு சூடான பகுதி)

இது முஸ்லிம்களுக்கான பதிவு. நீண்டதொரு வாதம், கலந்துரையாடல், கருத்து மோதலின் பின் தான் நான் இதை எழுதுகிறேன். யாரையும் புண்படுத்த வேண்டும் என்னும் மன நிலையில் நான் இதை எழுதவில்லை என்பதையும் முதலில் சொல்லிக் கொள்ள விரும்புகிறேன். நான் பெரிய மேதை எல்லாம் இல்லை. சாதாரண மனிதன். இது என் சிறிய மூளையில் உதித்த ஒரு விடயத்தை உங்களுடன் பகிர்ந்து கொள்ளும் முயற்சி.

விடயத்துக்கு வருவோம். இன்று எல்லோராலும் பேசப்படுகின்ற ஒரு விடயம் விஸ்வரூபம் திரைப்படமும் அதன் பின்னணியில் முஸ்லிம்களின் செயற்பாடுகளும். முதலில் முஸ்லிம்கள் பற்றி பேசுவோம் பிறகு கமல் பற்றிப் பேசலாம்.
சினிமாவுக்கு முஸ்லிம்கள் இவ்வளவு முக்கியத்துவம் ஏன் கொடுக்கிறார்கள் என்பது எனக்கு இது வரை விளங்கவில்லை? இஸ்லாம் தடை செய்த ஒன்றுக்காய் ஏன் இவ்வளவு பெரிய முக்கியத்துவம்? இதற்க்கு அவர்கள் சொல்லும் காரணம் சினிமா இன்று மக்களிடையே சிறந்த வரவேற்பை பெற்ற ஒரு ஊடகமாய் மாறி இருக்கிறது. அதனூடாக நச்சுக் கருத்துக்களை பரப்ப முடியும் என்பதே. உண்மைதான் ஆனால் இஸ்லாத்தில் சினிமா என்பது எனக்குத் தெரிந்த அளவில் ஹராமான (தடை செய்யப்பட்ட ) விடயமாகும். அது இஸ்லாத்தில் தடை செய்யப் பட்ட பின்னர் அதை பற்றி பெரிதாக நீங்கள் அலட்டிக் கொள்ள வேண்டியதில்லை.

இப்படியெல்லாம் நடக்கும் என்று தெரிந்துதான் இறைவன் "அந்தப் பக்கம் நீ போகாதே அது உன்னை காயப் படுத்தும்" என்று தடுத்து விட்டான். ஆனால் நாம் அங்கு போய் இருந்து கொண்டு "நான் சினிமா பார்க்க வேண்டும் ஆனால் என்னை காயப் படுத்தக் கூடாது" என்று கோஷமிடுவது முஸ்லிம்களுக்குரிய பண்பாகாது. இஸ்லாம் தடை செய்த ஒன்றுக்குள் நீங்கள் செல்லவே இயலாத போது அதை சீற்படுத்தவா முயற்சிக்கிறீர்கள்?

விளங்கிக் கொள்வதற்காக ஒரு சிறிய உதாரணம் பன்றி இறைச்சி உண்பது ஹராம் (தடை). பன்றி தடை என்றால் அதற்குள் நாம் சென்று இல்லை பன்றி தக்பீர் சொல்லி அறுக்கப் பட வேண்டும் என்று விவாதிப்பது/போராடுவது எந்த வகையில் நியாயமாகும். உனக்குத் தடை என்றால் நீ அங்கு செல்லவே கூடாது என்பது தானே முறை. இதை ஏன் நீங்கள் உணரவில்லை?

சினிமா, ஆடல், பாடல், இசை இவை இஸ்லாத்தில் தடை செய்யப்பட்டவை. அதற்குள் நாம் சென்று எதையும் செய்ய வேண்டிய அவசியமில்லை என்பதே எனது கருத்து.நமக்கு சம்மந்தம் இல்லாத இடத்துக்குள் நாம் ஏன் மூக்கை நுழைக்க வேண்டும். ஒரு 3 மணி நேர திரை விளையாடல் பார்த்து ஒரு மார்க்கத்தை ஒருவன் விளங்க முற்பட்டால் அவனுக்குப் பெயர் முட்டாள்.

ஒரு சினிமாவுக்காக நீங்கள் நடத்திய போராட்டத்தால் அள்ளாஹ்வின் நாமமும், அவன் தூதரின் நாமமும், புனித இஸ்லாத்தின் நாமமும், எத்தனை தடவைகள் எவ்வளவு எழுத்துக்களால் காயப் பட்டிருக்கிறது என்பதை அறியவில்லையா நீங்கள்? மார்க்கம் தடை செய்த ஒரு விடயத்துக்காய் நீங்கள் நேசிக்கின்ற மார்கத்துக்கு நீங்களே அவப் பெயரை ஏற்படுத்தி விட்டீர்கள் போல் தெரிகிறது. முஸ்லிம் சகோதர்களே இது ஒரு சிறந்த அணுகு முறையாய் இருக்காது என்பதையும் இங்கு பதிவு செய்ய விரும்புகிறேன்.

குர்ஆன் சொல்வதைப் பாருங்கள்.

(முஃமின்களே!) “அல்லாஹ்வின் வசனங்கள் (சிலரால்)நிராகரிக்கப்படுவதையும், பரிகசிக்கப்படுவதையும் நீங்கள் கேட்டால், அவர்கள் இதைவிட்டு வேறு விஷயத்தில் ஈடுபடும் வரையில் அவர்களோடு நீங்கள் உட்கார வேண்டாம்” என்று வேதத்தின் மூலம் அவன் உங்கள் மீது (கட்டளை) இறக்கியுள்ளான். அவ்வாறு உட்கார்ந்தால் நீங்களும் அவர்களைப் போன்றவர்களே; நிச்சயமாக அல்லாஹ் நயவஞ்சகர்களையும், காஃபிர்களையும் எல்லாம் நரகத்தில் ஒன்றாகச் சேர்த்துவிடுவான்.(4:140)

கமல் ஹாசன் இஸ்லாத்தை அவமதின்றாரா? முஸ்லிம்கள் மனதை வேதனைப் பட வைகிறாரா? அவருடன் நீங்கள் சேர்ந்து இருக்க வேண்டாம். நட்பு பாராட்ட வேண்டாம். அவர் அக்கருத்தில் இருந்து நீங்கி உங்களிடம் மன்னிப்புக் கேட்டு திருந்தும் வரை.. இதுதான் முஸ்லிம்கள் செய்ய வேண்டியது என்னுடைய பார்வையில்..

ஆகவே யார் இம்மார்கத்தை அள்ளாஹ்வை அவனுடைய தூதரை பரிகாசிக்கின்றனரோ அவர்களை அவன் பார்த்துக் கொள்ளுவான். நீங்கலாக எதையும் செய்ய முயன்று உங்களை நீங்களே தாழ்த்திக் கொள்ளாதீர்கள். இன உறவுகளுக்கிடையில் பிரச்சினைகளை தோற்றுவிக்காதீர்கள்.

எமது சகோதரர்கள் முக நூலிலும், ட்விட்டர் என்னும் சமூக இணையத்தளங்களிலும் பிடித்த சண்டைகள் பரிமாறப்பட்ட கருத்துக்கள் மனித மொழிகளில் இருந்தே அகற்றப் படவேண்டிய சொற்களாக இருந்தது.(இக் கட்டுரைக்கான அவசியத்தை உணர்ந்ததுக்கான காரணம் இதுதான்)

கலைஞர்களே
உங்களுக்கும் ஒரு பொறுப்பு இருக்க வேண்டும். கருத்துச் சுதந்திரம் என்ற பெயரில் மற்றவன் கழுத்தை நசுக்கக் கூடாது. அது சிறந்த படைப்பாகவும் இருக்க முடியாது. கமல் உங்களுக்கும் எனக்கும் எந்த உறவுமில்லை மனிதன் என்பதை தவிர. நான் சினிமாவை நேசிப்பவனும் அல்ல. ஆனால் இப் பிரச்சினைக்கேள்ளாம் உங்களுக்கும் ஒரு முக்கிய பங்குண்டு. இனி வரும் காலங்களிலாவது உங்கள் கலைப் படைப்பு யாரையும் துன்புருத்தாமல் இருக்கும் படி பார்த்துக் கொள்ளுங்கள். முடிந்தால் இஸ்லாத்தை முழுமையாப் படியுங்கள்.

மாற்று மத சகோதரர்களே
முஸ்லிம்களை பார்த்து இஸ்லாத்தை விளங்க முயற்சிக்காதீர்கள். அது சரியான நடைமுறையும் அல்ல. இஸ்லாத்தை விளங்க குர்ஆன், நபி மொழிகளைப் படியுங்கள். யாரிடமோ உள்ள குறைக்காக அவன் பின்பற்றும் மார்க்க சட்டங்களை, நல்ல மனிதர்களை, அவன் நம்புகின்ற இறைவனை உங்கள் சண்டையில் பலி கொடுக்காதீர்கள்.

இறுதியாக, என்னிடம் கூடுதலானவர்கள் கேட்ட விடயம் நீ விஸ்வரூபத்தை ஆதரிக்கிறாயா? எதிர்கிறாயா? உங்கள் எல்லோருக்கும் என் பதில் "நான் குழப்பங்களை தூண்டும் சினிமாவின் எதிரி".

பின் குறிப்பு : இஸ்லாத்திற்கு முரணான கருத்துக்கள் ஏதும் நான் சொல்லி இருந்தால் உடனடியாக சுட்டிக் காட்டவும்.

கொண்டாடவா புது வருடம்? (புதுவருட சிந்தனை )

ஏன் புது வருஷம்? எல்லாமே புதுசா மாறுமா அப்பா? இல்லடா கண்ணா... வருஷம் மட்டும் தான் மாறும்.
காலைல கடைக்கு சாப்பிட போன எனக்கு, காதில் விழுந்த மகன் அப்பா சம்பாஷனை. பையன் படு உசார் போல.. இப்பவே இப்படி யோசிக்கிறான் எண்டு நினச்சிட்டு வந்து, இத வச்சே நம்ம ஒரு மெசேஜ் சொன்ன என்ன எண்டு யோசிச்சன். விடுங்க பாஸ் நம்ம சுட்டது பையனுக்கு தெரியவா போகுது.

நானும் மாறப் போறது இல்ல, நீங்களும் மாறப் போறது இல்ல, வருஷம் மட்டும் மாறிக்கிட்டே போகுது. அதுவும் பெரிய மாற்றம் எதுவும் இல்ல 2011 இல் கடைசியில் இருக்கும் 1 இரண்டாக (2) மாறப் போகிறது. அவ்வளவுதான். இதில் என்ன சந்தோசம் என்பது மட்டும் புரியாப் புதிர்தான். அது சரி, அது தெரிஞ்சாதான் நான் ஏன் இப்படி புலம்ப போறேன்?

வருஷ தொடக்கத்தில் நல்லது ஒன்றை எடுத்து, தீயது ஒன்றை விட்டு விட வேண்டுமாம். யார் சொன்னது எண்டு ஆராய்ச்சி நடத்த நேரமில்லை. சாரி பாஸ். ஆனா இங்க என்ன நடக்குது? வருஷ ஆரம்பமே தீமைக்குதான் வழிவகுக்குது. உடன்பாடு இல்லாதவர்கள் நம்ம பாப்பைய்யா கிட்ட வேணும்னா பட்டிமன்றம் நடத்த சொல்லி முடிவெடுப்பம். இப்போ கொஞ்சம் முழுமையா வாசிச்சி பாருங்கோ.

வீண்விரயம், பொழுதுபோக்கு, மது, மாது, கேலிக் கூத்துகள்.... நன்மைகளா இவைகள்?

நம்ம கவிஞன் ஒருவன் அழகா சொன்னான் மத்தவன சந்தோசப்படுத்தி பாரு... நிறைவான சந்தோசம் அதுதான் எண்டு அவன் பேரு..... மறந்து போச்சு விடுங்க. நமக்கு அவன் பெயரும் மறந்து போச்சு அவன் சொன்னதும் மறந்து போச்சு.
நீங்களே சொல்லுங்க நீங்க எத்துன பேர் மாற்றுதிரனாளிகள்/ அனாதைகள்/ ஏழைகள் கூட உங்க கொண்டாட்டங்கள பகிர்ந்து கொண்டீங்க? நம்ம சந்தோசங்கள் நம்மளோட மட்டும் முடிஞ்சிட்டா அதுல எந்த திருப்தியும் இல்ல நம் சந்தோசம் மத்தவர்களுக்கும் பகிரப்படனும். அதுதான் உண்மையான சந்தோசம்.

பண்டிகை காலங்களில் வீண் விரயம் தான் அதிகம். எதற்கு? 2 நிமிட சந்தோசத்துக்காக 20 கோடிகள் செலவழிக்கப் படுகின்றன. காலங்கள்/ வருடங்கள் பல மாறிய போதும் நாம் மட்டும் மாறவே இல்லை. இன்றைய உலகம் இருப்பவனுக்கு கொடுக்கிறதே தவிர இல்லாதவனை நினைத்துகூட பார்ப்பதில்லை. சற்று யோசிப்போம்.

புது வருடம் பிறப்பது நம் வாழ்வை இன்னும் திட்டமிட்டு கடந்த வருட தவறுகளை திருத்தி வாழ்வை மேலும் சிறப்பாக்கி கொள்வதற்குத்தானே தவிர கொண்டாடி மகிழ்வதற்கு அல்ல. நான் சொல்வதை நீங்கள் ஏற்றுக் கொள்ள மாட்டீர்கள். என்ன செய்வது எந் நேரமும் உண்மைகள் இனிப்பதில்லை.

அப்புறம் இன்னொரு முக்கியமான விடயம்.... நம்மை விட்டு எதுவும் பிரியும் போது கவலை கொள்ளும் நாம் ஒரு ஆண்டு பிரிந்து மறு ஆண்டு தொடங்கும் போது ஏன் கொண்டாடுகிறோம்? உறவும் பிரிவும் ஒன்றாய் வரும் போது இச் சமூகம் உறவுக்கே முன்னுரிமை கொடுக்கிறது. இழப்பின் வலியை விட உறவின் அணைப்பு சிறந்தது.

பிறக்கும் புது வருடத்தில் சந்தோசங்கள் மலர இறைவனை வேண்டுகிறேன். வாசகர்கள் அனைவருக்கும் இனிய புத்தாண்டு வாழ்த்துக்கள்.

விதியை வெல்ல எந்த கொம்பனாலும் முடியாது. (என் டயரி)

இது ஒரு புதிய பகுதி. சுவாரஸ்யமாக இருக்கும் என்று நம்புகிறேன். உங்கள் கருத்துக்களை கமெண்ட் பெட்டியில் பதிவு செய்யவும்.

நீங்க யோசிக்கிற மாதிரி பெரிய ஒரு விடயமும் நான் சொல்ல போறதில்லைங்க. அப்புறம் எதுக்கு அவ்வளவு பெரிய பில்ட்அப்? என்று யோசிக்கிறது தெரியுது கய்ஸ். நேத்து பேஞ்ச மழைல முளைச்ச காளான்கள் எல்லாம்( ஐயோ உங்கள சொல்லலபா ) பெரிசு பெரிசா பில்ட்அப் கொடுக்கும் போது நானும் கொஞ்சம் ட்ரை பண்ணிட்டு போறேன், மன்னிச்சு விட்டுடுங்கப்பா. ஓ! நான் இன்னும் என்ன விஷயம் எண்டு சொல்லவே இல்ல. அதாங்க ஒரு வாரத்தில் நான் அனுபவிச்ச அனுபவங்களை உங்ககிட்ட பகிர்ந்துகொள்ளலாமே எண்டு நினைக்கிறன். எனக்கு தெரியும் மத்தவங்க டைரி படிக்கிறது எவ்வளவு இண்டரெஸ்ட் எண்டு.(நாங்களும் படிச்சி இருக்கம் இல்ல).

போன மண்டே- மொக்கடே.
இப்படிதான் ஒரு கவிதை போட்டேன், அப்படியே அத ஷேர் பண்ணுவம் எண்டு கிளம்பினா நம்ம பசங்க பிச்சி எடுத்துட்டாங்க. ஒரே மொக்கடேயா போச்சு. பேஸ்புக்ல ஷேர் பண்ணினதுதான் தாமதம் வழமை போலவே பப்ளிக்ல மானம் போய்டிசுங்க. சரி அத சமாளிச்சிட்டு ட்விட்டர் லாகின் பண்ணினா கேள்வி கேட்டே கொண்டுடானுங்க. சபா இந்த இன்டர்நெட் வேணா எண்டு வெளிய போனா எப்பவோ ஒரு நண்பன் கிட்ட அன்ச்ட்டோபப்ல் சீடி வாங்கினயாம் எண்டு அவன் புடிச்சி அர உசிர எடுத்துட்டான். அவன்கிட்ட இருந்து தப்பி ஒரு அறுவைக் கப்பலிடம்மாட்டி அவன் மீதி உசுர எடுத்துட்டான். எவன் மூஞ்சில முளிச்சமோ எண்டு திரும்ப வீட்டுக்கு வந்து சேர்ந்து நம்ம பாவோரிட் கிரிக்கெட் கேம் விளையாடிட்டு படிக்கலாமே எண்டு கொப்பிய தூக்கி கோன்சொளிடேட் பினான்சியல் படிச்சு முடிச்சேன். அப்புறம் என்ன சாப்பாடு, தூக்கம் இடையிடையே பேஸ்புக், ட்விட்டர். (அனுபவம்- விடிவு ஒழுங்கா இல்லாட்டி பொழுதும் ஒழுங்கா இரியாது போல)

போன டியூஸ்டே- அன்லக்டே
கைக்கு எட்டுறது வாய்க்கு எட்டல்ல அப்படின்னு படிசிருபீங்க. ருசிச்சிருக்கிரீன்களா? மொத்த நாளும் அப்படியே தான் பசங்களா இருந்திச்சி. என்ன கொடும சார்? இது எண்டு தோனுதிள்ள படிகிறே உங்களுக்கே இப்படின்னா....... ஒரு சின்ன எக்சம்ப்ல் "வாக் இன்ரவியு உடனே கிளம்பி வா மச்சான்" எண்டு ஒரு பிரெண்ட் கால் பண்ணினான். பர பரக்க கிளம்பி பறந்து சென்றேன். என்ன நடந்திருக்கும் அதான் முதலே சொல்லிட்டேனே..... "சாரி நாங்க ஆல்ரெடி செலக்ட் பண்ணிட்டோம்" அப்படின்னு சிரிச்சிட்டு ஒரு பொண்ணு (என்ன பொண்ணுடா அவ? ) சொன்னா. வெறித்த பார்வையை பிரெண்ட்க்கு வீசிட்டு வெளிய வந்தன். நீங்களே சொல்லுங்க அதுக்கு அப்புறம் எப்படிங்க??? (என் நிலம நம்ம தனுஷ் நிலமதான்).ரியலி டஎர்ட் எண்டு ட்வீட் பண்ணிட்டு வந்து படுத்தவன்தான் இரவு சாப்பாட்டுக்கு தான் எழும்பினேன். அப்புறம் ஒரு சின்ன ஸ்டடி, பேஸ்புக், ட்விட்டர் மறுபடியும் தூக்கம். (அனுபவம்- ஒழுங்கா விடிஞ்சாலும் லக் வேணும்)

போன வெனிஸ்டே-திருப்திடே
ச்சே, இந்த கிழமையில வந்த 2 நாளும் நல்லாவே இல்ல. இண்டைகாவது நல்ல இருக்கணும் எண்டு எழும்பவே மழை.வெளிய போற ஐடியா சுத்தமா போச்சு.என் நண்பன் முரு அடிக்கடி ஒரு விடயத்தை சொல்லுவான். "மழைக்கும் காப்பிக்கும் ஏதோ பூர்வ ஜென்ம உறவு" எண்டு அத அண்டு நான் ரசிச்சி குடிச்ச காப்பில உணர்ந்தேன். படிக்கலாம் எண்டு பிளான் பண்ணும் போது தான் ஞாபகம் வந்தது, இண்டைக்கு முதல்ல மிச்சம் இருக்கிற ஆர்டிகல பதிவா போடலாம் எண்டு. சோ அத போட்டு முடிச்சிட்டு ஷேர் பண்ணிட்டு (நம்ம பசங்க ஏனோ அத கண்டுக்கல்ல) பிளான் பண்ணின மாதிரியே படிக்கக் குந்தியாச்சு. ஈவினிங் வரைக்கும் டைம் போனதே தெரியேல்ல.அப்படி என்ன படிச்சான் எண்டு கேகுறீங்களா performance management எண்டு ஒரு சப்ஜெக்ட் அதான் டைம் போனதே தெரியேல்ல. மனசுக்கு ஏதோ திருப்தியா இருந்திச்சி. அப்புறம் என்ன வழமையான விடயங்கள் இடையில் ஒரு கவிதை. (அனுபவம்- தீமையிலும் நன்மை உண்டு )

போன தேஷ்டே- வேஸ்ட்டே.
காலைல எழும்பினதும் என் lecturer என்ன கிளாஸ்க்கு வரசொல்லி கால் வந்திச்சி. ஆஹா இது வழமை தான். சில நேரங்களில் என் உதவி(அவருக்கு உதவி எனக்கு ஆப்பு) அவருக்கு தேவைப்படும் போது கூப்பிடுவார். சரி எண்டு கிளம்பினேன். அப்படியே என் புக்ஸ்சையும் எடுத்துக்கொண்டேன். அங்கு இருந்த சின்னச் சின்ன வொர்க்ஸ் முடிந்ததன் பின்னர் லைப்ரரியில் படித்துக் கொண்டிருந்தேன். அப்போதுதான் ஞாபகம் வந்தது இன்று நண்பன் ஒருவனின் பர்த்டே. உடனே அவனுக்கு ஒரு கால் அண்ட் விஷ். அப்புறம் என்ன ஸ்டடியா ஹி ஹி ஹி பார்ட்டிபா. இப்படிதான் என் பர்த்டேவோ பிரன்ட் பர்த்டேவோ அந்த நாள் வேஸ்ட்டா போய்டும். அண்டு KFC வந்த ஒரு கேர்ள்ல கூட என் பிரெண்ட்ஸ் விட்டுவைக்க இல்ல(நக்கல் அடிச்சாங்க எண்டு சொல்லவந்தன் அண்ட் நான் ரொம்ப நல்லவன்). (அனுபவம்- நம்ம நல்லா இருக்க நினைச்சாலும் காலம் விடாது )

போன பிரைடே- சேட்டே.
எனக்கு மட்டும் வீகென்ட் ஒரு நாள் முன்னாடி வந்துடும் பசங்களா (அதுக்காக நான் வெட்டிப்பயல் எண்டு நினச்சிடாதீங்க நாங்களும் ஒரு நாளைக்கு பிஸியா இருப்போம் ) ஒரு கவிதை பகிர்வு வழமை போலவே ஆதரவுகள்.... ஆட்டம் பாட்டம் கொண்டாட்டம் அப்படின்னு ஆரம்பிக்கலாம்ண்டு நினச்சேன் பட் முடியேல்ல. என்ன பண்றது நம்ம பிளான் பண்ற மாதிரியா எல்லாம் நடக்குது. மோர்னிங் யூசோலா போய்ச்சு. ஈவினிங் ஒரு கால், நம்ம பர்த்டே பாய் அச்சிடேன்ட். அப்புறம் என்ன? ஹொஸ்பிடல் அழுகை ஒரே சோகமயமா போச்சு. பயபுள்ள புளசிட்டான் 3 மந்த்க்கு நடக்கத்தான் முடியாது.
(அனுபவம்- விதியை வெல்ல எந்த கொம்பனாலும் முடியாது )

போன வீகென்ட்- என்ஜாய்மென்ட்.
இது எப்பவும் போல ரொம்ப ஜோலியா போச்சு. மயக்கம் என்ன படம் பார்த்தேன். தனுஷ்ட இடத்துல நாம இருந்திருக்கலாமோ? எண்டு தோணிச்சி நடிப்புக்காக இருந்தாலும் அப்படி ஒரு வைப் அமைந்தது தனுஷ் லக். மிக நீண்ட நாளைக்குப் பிறகு கத்தார் நண்பருடன் பேச கிடைத்தது. அவன் அறுத்தானோ/ நான் அறுத்தனோ தெரியேல்ல இரண்டுமணிநேர பேச்சுவார்த்தை.... ஆஹா சொல்ல மறந்துட்டன் girlfriend எண்டால் லப்டப் கொடுக்குற காலம் இது. ஒரு உயிர் நண்பனுக்கு கதை சொல்லும் காலம் இது. (என்னை போல நொந்த நண்பர்களுக்காக) இப்படி ஜோலியா முடிந்தது இந்த வாரம். பட் நம்ம அச்சிடேன்ட் பாய் மட்டும் என்ன டிஸ்டர்ப் பண்ணிகிட்டே இருந்தான். அவனுக்காக இடையிடையே ஹொஸ்பிடல் விசிட். (அனுபவம்-பெண் என்றால் பேயும் இரங்கும் பாவம் மனிசன் என்ன செய்வான்?)

சரியாகச் செல்கிறாளா இன்றய பெண்? IV

(இதன் முதற் பகுதியை வாசிக்காத வாசகர்கள் இங்கு கிளிக் செய்யவும்)

பகுதி-I
பகுதி-II
பகுதி-III


பெண்களைப் பற்றி பேச ஆரம்பித்தாலே முடியாது என்பது சரியாகத்தான் இருக்கிறது. இத் தொடரை இதனுடன் முடிக்க வேண்டிய கட்டாயமும் எனக்கிருக்கிறது. அதை கவனத்தில் கொண்டு இந்த பகுதியை எழுதுகின்றேன். பெண்கள் பற்றிய நிறைய விடயங்களை எமது முதல் பதிவுகளில் அலசிவிட்டடதால் நேரடியாக விடயத்துக்கு வருவோம்.

பெண்கள் விடும் தவறுகள் எவ்வாறு அந்த சமூகத்தை பாதிக்கிறது?

முதலில் பெண்களும், ஆண்களும் புரிந்து கொள்ள வேண்டிய விடயம், பெண்களுக்கு இருக்கும் தாய்மை பற்றி. இந்த தாய்மை குழந்தைகளை சுமப்பதற்கு மட்டும் அல்ல, அவர்களை சரியான வழியில் வளர்பதற்கும்தான்.
ஆகவே ஒரு மனிதனே பின்னாளில் ஒரு சமூகமாகிறான் என்பது விதி. இதை வைத்து பார்க்கும் போது அம்மனிதனை வழிநடத்த வேண்டிய பொறுப்பில் இருக்கும் தாய் (ஒப்பிடுகையில் கூடுதலான பொறுப்பு தாய்க்கே உண்டு.) அதாவது பெண் அங்கு சரியாக இருக்கும் போதுதான் அந்த பிள்ளையும் சரியான வழியில் வளர்க்கப்படுகிறான்.
ஒரு பிள்ளையின் முதல் பள்ளிக்கூடம் தாய்மடி எனும் கருத்தையும் இங்கு சுட்டிக்காட்டுகின்றேன். சமூகத்தில் அவன் ஒரு நிலையை அடையும் போது தன் தாயால் இவன் தவறான முறையில் வழிநடத்தப்பட்டிருந்தால் அங்கு பிரச்சினைகள் மிகக் கூடுதலாக காணப்படும். இந்த விடயத்தில் தாய்மார்கள் அதிக கவனம் எடுக்க வேண்டும். இது ஒன்றே போதும் பெண்கள் பெண்களாக இருக்க வேண்டும் என்பதற்கு.

ஆனாலும் நாம் இன்னொரு விடயத்தையும் இங்கு சுட்டி காட்ட விரும்புகின்றோம்.
அதாவது பெண்கள் பொதுவாகவே தங்கள் பக்கம் யாரையும் மயக்கி விட கூடியவர்கள். அந்த வகையில் மணமுடித்த சில ஆண்கள் மனைவியிடம் மயங்கி போவதுமுண்டு. அதாவது மனைவிமார்களின் பேச்சை கேட்டு நடக்கும் ஆண்களும் உண்டு. (இது இயற்கை.) இப்படியான நேரத்தில் மனைவிமார்கள் தவறானவர்களாக இருந்து அவர்கள் சொல் படி இந்த கணவன் வழிநடத்தப்படும் போது சமூகம் சார்ந்த பிரச்சினைகள் ஏராளமாக தோன்றுகின்றன. இதன் விளைவுகள் மிகக் கடுமையாக இருக்கும்.ஆகவே பெண் என்பவள் ஆணை விட சமூகத்தில் அதிகம் முக்கியம் பெறுகிறாள்.(ஆண்களை வளர்ப்பதும் பெண்கள்தானே). இதனால்தான் பெண் என்பவள் சமூகத்தின் கண்ணாக சித்தரிக்கப்படுகிறாள். ஆகவே பெண்கள் எப்போதும் சரியான வழிநடத்தலில் சரியான வழியில் இருக்க வேண்டும்.

பெண்கள் எப்பவும் எந்த நேரத்திலும் நிதானம் உள்ளவர்களாவும் சரியான முறையிலும் இருக்க வேண்டும் என்ற செய்தியோடு நாம் இந்த தொடரில் பேசிய விடயங்கள் பெண்கள் மனதை காயப்படுத்தி இருந்தால் மன்னிப்பை வேண்டியவனாக விடை பெறுகிறேன்.என்னால் முடிந்த அளவு விடயங்களை தெளிவுபடுத்தி இருக்கிறேன். இது என் தனிப்பட்ட கருத்துக்களே. வாழ்த்தி வரவேற்பதா? அல்லது தர்கித்து தகர்பதா? இரண்டுக்கும் நான் தயார். நீங்கள்...?(முற்றும்)

சரியாகச் செல்கிறாளா இன்றய பெண்?- III

(இதன் முதற் பகுதியை வாசிக்காத வாசகர்கள் இங்கு கிளிக் செய்யவும்)
பகுதி-I
பகுதி-II

அதாவது பெண்களுக்கு இச் சமூகம் அன்று பெற்றுக்கொடுத்த சுதந்திரம் இன்று அவர்களால் தவறான முறையில் பாவிக்கப்படுகிறதா?

இது பற்றி நான் சிறிய ஒரு ஆய்வு ஒன்றை செய்திருந்தேன். அதன் விளைவுகள் பற்றி இன்றைய பகிர்வு சுமந்து வருகிறது . அதாவது பெண்களிடம் இது பற்றி கேட்டதற்கு அவர்களில் 62%மானவர்கள் ஆம் என்ற பதிலையும், 24%மானவர்கள் இல்லை என்ற பதிலையும், குறிப்பிட்ட வேலை மிகுதி 14%மானவர்கள் பதில் கூறவில்லை. ஆண்களிடம் கேட்டதர்கினங்க 93%மானவர்கள் ஆம் என்று குறிப்பிட்ட வேலை 5%மானவர்கள் இல்லை என்று சொன்னதுடன் 2%மானவர்கள் பதில் கூறவில்லை.

இது அவர்களின் கருத்தாக அமைந்துள்ளது. இது பற்றி எமது கருத்து இவ்வாறு அமையப் போகிறது.

அதாவது எல்லா விடயத்திலும் 2 விடயங்கள் ஒன்றுக்கொன்று எதிராகவே அமைந்திருக்கும். உதாரணமாக உண்மை, பொய். சிறியது, பெரியது. ஆதி, அந்தம் என எல்லா விடயங்களிலும் 2 தன்மை காணப்படும். அது போன்றுதான் ஆண்களும், பெண்களும் ஒன்றுக்கொன்று எதிரானவர்கள். எனவே அடிபடையில் ஆணும் பெண்ணும் சமம் எனும் வாதம் தவறாகும். அதற்காக யாரும் உயர்ந்தவர்களும் கிடையாது. அதற்கிணங்க எது ஆணுக்கு பலமோ, அது பெண்ணுக்கு பலவீனமாகவும், எது பெண்ணுக்கு பலமோ, அது ஆணுக்கு பலவீனமாகவும் காணப்படுகிறது. இதுதான் இன்று இங்கு நடக்கும் பிரச்சினை.

அதாவது பெண்கள் தங்களுக்கு வழங்கப்பட்ட சுதந்திரத்தை தவறாக புரிந்து கொண்டு, நாங்கள் ஆண்களை விட மேலானவர்கள். அல்லது தங்களால் மட்டும் எல்லாம் முடியும் என்று முணைந்து செயற்பட ஆரம்பிக்கும் நேரம், இயற்கை சமநிலையை இழந்து பாரிய பிரச்சினையை இச் சமூகம் எதிர்கொள்கிறது. இந்த இடத்தில் பெண்களும் ஆண்களும் சற்று உன்னிப்பாக அவதானிக்க வேண்டிய விடயம் என்னவென்றால் உங்களால் மட்டும் எல்லாம் முடியுமாக இருந்தால், இவ்வுலகில் இரு இனம் தேவை இல்லை. பெண்கள் மட்டும், அல்லது ஆண்கள் மட்டும் போதும். எனவே உலகம் இயங்க உங்கள் இருவருவரின் பங்களிப்பு தேவை. அதாவது பெண்கள் நீங்கள் உங்கள் வரம்பின் எல்லை எது என்பதை புரிந்து கொள்ள வேண்டும் என்பதே எமது செய்தியாக இருக்கிறது.

இன்றய கால கட்டத்தில் ஆண்களை விட அதிகமாக உள்ள நீங்கள் ஆண்களால் முடியுமான எல்லாம் என்னாலும் முடியும், என முனையும் போது ஏற்படும் பிரச்சினையை நீங்கள் அதிகமாகவே உணர்திருபீர்கள். பெண்களுக்கு இன்று பூரண சுதந்திரம் வழங்கப்பட்டுள்ளது. அதை பயன்படுத்தி நீங்கள் உங்கள் இஷ்டத்துக்கு வாழ நினைத்தால் உங்கள் வாழ்க்கை மட்டும் அல்ல, இச் சமூகம் பாரிய பின்னடைவை எதிர் கொள்ளும் என்ற தகவலோடு, ஒரு பெண் விடும் தவறு ஒரு சமூகத்தை எவ்வாறு பாதிக்கிறது? எனும் தகவலோடு எமது அடுத்த பகுதியில் சந்திபோம். (தொடரும்)

சரியாகச் செல்கிறாளா இன்றய பெண்?-II

(இதன் முதற் பகுதியை வாசிக்காத வாசகர்கள் இங்கு கிளிக் செய்யவும்)
பகுதி-I

அதன் பிறகு பெண்கள் இன்று எல்லாத்துறைகளிலும் ஆண்களுக்கு சவால் விடுக்கின்ற அளவுக்கு தங்களை வளர்த்துக் கொண்டுள்ளனர். இது வரவேற்கத்தக்க பாராட்டப்படக்கூடிய விடயம் தான். ஆனால் பிரச்சினை என்னவென்றால் இந்தப் பெண் வளர வளர கூட பிரச்சினைகளும் அதிகரித்துக் கொண்டே சென்றன என்பது தான் நாம் இங்கு கவனிக்க வேண்டிய விடயம்.

அப்படி என்ன பிரச்சினைகள் என நீங்கள் என்னிடம் கேட்க முடியும் நான் வாழ்கையில் சந்தித்த சில அனுபவங்களை இங்கு சுட்டிக்காட்டவது பொருத்தம் என நினைக்கின்றேன்.

ஒரு கணவன் மனைவிக்கிடையில் நடந்த பிரச்சினை இது.

அதாவது அவர்களுக்குத் திருமணமாகி 1 வருடத்தின் பின் குழந்தை கிடைத்தது. அவர்கள் குடும்பத்தை விட்டுப்பிரிந்து வேறு ஒரு நாட்டில் வாழ்ந்து கொண்டிருந்தனர். அவர்கள் இருவரையும் தவிர அவர்களுடன் யாரும் இல்லை இப்போது அக் குழந்தை. பிரச்சினை என்னவென்றால் இருவரும் வேலைக்குச் செல்பவர்கள். இப்போது குழந்தையை பராமரிப்பது யார்? என்ற பிரச்சினை தோற்றமெடுக்கிறது. கணவன் சொன்னான், நான் மட்டும் வேலைக்குச் செல்கிறேன் நீ குழந்தையை கவனித்துக் கொண்டு வீட்டில் இரு என்று. ஆனால் மனைவி அதை நிராகரித்தால். குழந்தையை, நாம் குழந்தை பராமரிக்கும் ஒரு இடத்தில் கொடுத்து விட்டு வேலைக்குச் செல்லாம் என்றால். கணவனுக்கு அதில் உடன்பாடு இல்லை. நீதான் குழந்தையை வளர்க்க வேண்டும் என்றான். பிரச்சினை தொடர்ந்தது. இன்று அவர்களின் முடிவு விவாகரத்து.

அந்த பெண்ணிடம், நான் இது பற்றி நேரடியாக பேசியதற்கு ஆண்கள் மட்டும்தானா வேலைக்குச் செல்ல வேண்டும்? பெண்கள் செல்லக் கூடாதா? பெண்கள் தான் குழந்தை வளர்க்க வேண்டும் என்று சட்டமா இருக்கிறது? என்றெல்லாம் நிறைய கேள்விகள். நீங்களே சொல்லுங்கள் இதற்கு நாம் என்ன செய்ய முடியும்.

பெண்கள் இவ்விடத்தில் சரியான அணுகுமுறையுடன் இவ்விடயத்தை நோக்க வேண்டும். அதாவது பெண் என்பவள்தான் 10மாதம் குழந்தையை சுமந்து பெற்றெடுக்க கூடியவளாக இருக்கின்றால். குழந்தைகளுக்கு உணவளிக்க கூடிய விடயங்களும் அவளையே சார்ந்து நிற்கின்றது.ஒரு ஆணின் குழந்தை வளர்ப்புக்கும் பெண்ணின் வளர்ப்புக்கும் நிறையவே வித்தியாசம் உண்டு.(அம்மாவின் அன்புக்கு இணையாக இவ்வுலகில் எதுவுமே இல்லை என்பதும் நாம் அறிந்த விடயமே).

நன்றாக புரிந்து கொள்ள வேண்டும் இதை ஆண்களோ அல்லது இச் சமூகமோ பெண்கள் மீது திணிக்கவில்லை. இது இயற்கை நிர்ணயித்த ஒரு விடயம் ஆகவே குழந்தைப் பராமரிப்பு என்பது இயற்கையாகவே பெண்களால் மட்டுமே முடியுமான ஒரு விடயம். அதை வைத்து பெண்ணிலை வாதம் பேசுவது முறையான ஒரு விடயமல்ல. இது மிகப் பெரிய முட்டாள் தனமாகும். ஒரு உதாரணத்தையே என்னால் இங்கு சுட்டிக்காட்ட முடிந்தது. காரணம் நேரமின்மை.

பெண்களின் வெற்றிகளை கொண்டாடும் நாம் அவர்கள்விடும் தவறுகள் சம்மந்தமாகவும் பேச வேண்டியிருக்கிறது.

இவ்வாறான பல பிரச்சினைகள் எம்மத்தியில் பெண்ணிலை வாதம் என்ற பெயரில் தொடுக்கப்பட்டு அதன் மூலமாக பாரிய விளைவுகளை சந்தித்திருக்கின்றோம். எனவே இவற்றையெல்லாம் வைத்துப் பார்க்கின்ற போது பெண்கள் அவர்களுக்கு கொடுக்கப்ட்ட சுதந்திரத்தை தவறான முறையில் புரிந்து கொண்டார்களா? என்று ஒரு கேள்வி எழுகிறது.

அதாவது பெண்களுக்கு இச் சமூகம் அன்று பெற்றுக்கொடுத்த சுதந்திரம் இன்று அவர்களால் தவறான முறையில் பாவிக்கப்படுகிறதா?

(தொடரும்...)

சரியாகச் செல்கிறாளா இன்றய பெண்?-I

நம்முடைய வாழ்கையில் நாம் சந்திக்கின்ற விடயங்கள் ஒன்றல்ல இரண்டல்ல. எத்தனையோ பிரச்சினைகள் எத்தனையோ சந்தோசங்கள் என நாம் சொல்லிக் கொண்டே போகலாம்.

பூமி என்ற கோளம் பலவகையான விடயங்களை அதற்குள் உள்ளடக்கியிருக்கிறது. எத்தனையோ அதிசயங்கள்,அபூர்வங்கள் எல்லாம் இந்தப் பூமிக்கு மேலும்/கீழும்,உள்ளேயும்/வெளியேயும் இருந்து கொண்டேயிருக்கின்றன. ஆனால் இந்தப் பூமியின் மேல் வாழும் மனிதன்தான் இந்த பூமியின் ஆக்கத்திற்கும் அழிவிற்கும் காரணமானவனாக இருக்கிறான். பிரிக்கப்பட்டே எல்லாவிடயங்களும் இங்கு நோக்கப்படுவதால் நாமும் அதனுடன் ஒட்டி உறவாட வேண்டியுள்ளது. அதுதான் நிதர்சனமும். ஆகவே மனிதனை அடிப்படையாக 2 வகையாக பிரிக்கமுடியும். ஆண்கள்,பெண்கள் என்பதுதான் அவை.

இந்தக் கட்டுரையின் சாராம்சம் பெண்கள் பற்றியதாகவே அமையப் போகிறது. அதுவும் ஒரு வித்தியாசமான பார்வையை செலுத்தப் போகிறது. அதாவது பெண் என்பவள் இன்று அவளுடைய பாதையில் இருந்து விலகிச்செல்கிறால் எனும் ஒரு கருத்து நம்மிடையே நிலவி வருவதை அவதானிக்க முடிகிறது. இது என்னால் மட்டுமல்ல உங்களால் மட்டுமல்ல இன்று சர்வ சாதாரணமாக நாம் பாவிக்கும் வார்தைகளில் ஒன்றாகிப் போனது. இது பற்றிய ஒரு பார்வையை தான் நாம் இங்கு செலுத்த இருக்கின்றோம்.

ஆரம்ப கட்டங்களில் பெண் என்பவள் வீட்டுக்குள் அடங்கியிருக்கின்ற ஒரு பொருளாகவே அடையாளப்படுத்தப்பட்டாள். அவளுடைய சகல உரிமைகளும் மறுக்கப்ட்டு இந்த சமூகம் அவளை ஒரு அடிமையாகவே நடத்தியது என்றால் அது மிகையாகாது.

அதன் பிறகு பெண்களுக்கு அவர்களுடைய உரிமைகள் கொடுக்கப்பட்டு அவளும் இச் சமூகத்தில் ஒரு மனித இனமாக மதிக்கப்பட்டாள். அவளுடைய வாழ்கை முறை பற்றி குரல் கொடுக்காத சமூக அமைப்புக்களே இல்லை என்று சொல்கின்ற அளவுக்கு பெண்கள் உரிமைகள் பற்றி பல மேடைப் பேச்சுக்கள், விவாதங்கள், கருத்துக்கள், புத்தகங்கள் என ஒரு சமூகப் புரட்சியே நடந்தேறியது. ஏன் ஐ.நா சபை கூட பெண்களுக்கு ஏற்படும் அநீதிகளை தடுக்க சட்டங்களளை இயற்றி அவர்களுக்காக ஒரு அமைப்பையும் உருவாக்கியது.

அதன் பிறகு பெண்கள் இன்று எல்லாத்துறைகளிலும் ஆண்களுக்கு சவால் விடுக்கின்ற அளவுக்கு தங்களை வளர்த்துக் கொண்டுள்ளனர். இது வரவேற்கத்தக்க பாராட்டப்படக்கூடிய விடயம் தான். ஆனால் பிரச்சினை என்னவென்றால் இந்தப் பெண் வளர வளர கூட பிரச்சினைகளும் அதிகரித்துக் கொண்டே சென்றன என்பது தான் நாம் இங்கு கவனிக்க வேண்டிய விடயம். (தொடரும்...)

அனுபவமே வாழ்கையா?

வாழ்கை விசித்திரமான ஒன்றுதான். யாராலும் அவ்வளவு சீக்கிரமாக இதை புரிந்து கொள்ள முடியாது. இதுவரைக்கும் எனக்கும் புரியவில்லை, ஆனால் புரிந்து கொள்ள முயற்சிகள் மட்டும் நடந்து கொண்டிருக்கின்றன. அப்படி நான் செய்த முயற்சியின் பலனாக ஒரு விடயத்தை நான் புரிந்து கொண்டேன்.

அதை உங்களுடன் பகிர்ந்து கொள்வதுதான் எனது இக் கட்டுரையின் நோக்கம்.

பெரியவர்கள் சில நேரம் பேசிக் கேட்டிருப்பீர்கள்... அதாவது 'அவனுக்கு அனுபவம் போதாது, அதனால் அவன் செய்தால் சரியாக வராது' என்றெல்லாம் பேசுவார்கள். அப்பொழுது நாம் அதை பெரிதாக அலட்டிக் கொள்வதில்லை. ஆனால் அதற்குள் தான் முழு வாழ்கையின் தத்துவமும் அடங்கியிருக்கிறது என்றால் அது மிகையாகாது.

ஆமாம் ஒரு மனிதனை பூரணமாக்குவது அவன் பெற்றுக் கொள்ளும் அனுபவங்கள்தான். அது நல்லவிடயமாகவும் இருக்கலாம், அல்லது தீய விடயமாகவும் இருக்கலாம். வாழ்கை என்ற ஆசானை நாம் அடயாளம் காணவேண்டுமெனில் அனுபவம் என்ற பாடசாலைக்குள் நுழைய வேண்டியதாயிருக்கும். வாங்க கொஞ்ச நேரம் போயிட்டு வரலாம்.

அனுபவம்!!! இதற்குள் ஒழிந்திருப்பது மிகப் பெரிய அர்தங்கள்.

அனுபவம் என்றால் என்ன?

நமக்கு நடந்த விடயங்களை நாம் அனுபவம் என்று சொல்கின்றோம். அது உண்மைதான். இந்த அனுபவங்களில் பொய் என்று எதுவும் கிடையாது. காரணம் அனைத்துமே நடந்து முடிந்தவையாக இருக்கும். ஒரு விடயம் நடைபெற்று முடிந்தால் அதை யாரும் பொய் என்று சொல்ல முடியாது. இதை நான் இங்கு சொல்வதற்கு காரணம் சில பேர் சில விடயங்களுக்காக பொய்யான அனுபவங்கள் என்று சொல்கிறார்கள். அவர்கள் எதை கூறுகிறார்கள் என்று பிறகு பார்ப்போம் ஆனால் அப்படி கூறுவது பொருத்தம் அல்ல என்பதை சுட்டிக்காட்ட விரும்புகின்றேன்.

இந்த அனுபவத்தை பொதுவாக இரண்டு வகைகளாக பிரிக்க முடியும்
1. நல்ல வகையான அனுவங்கள்.
2. தீய வகையான அனுபவங்கள்.

ஒரு மனிதன் அவனுடைய வாழ்கையில் இதில் இரண்டையும் பெறுபவனாகவே இருப்பான். இதனடிப்படையில் தான் இன்று உலகமே இயங்குகிறது. உதாரணமான கண்டுபிடிப்புகள், ஆராய்சிகள், மனித செயற்பாடுகள், அனைத்துக்கும் காரணகர்தாவாக இருப்பது அவன் பெறும் அனுபவங்கள் தான்.

ஒரு சராசரி மனிதன் நெருப்பை கண்டு அஞ்சுகிறான். காரணம் அவனுக்கோ அல்லது அவன் சார்ந்த யாருக்கோ அந்த நெருப்பு சுட்டு காயப்படுத்திய அனுபவம் இருக்கும். இது போன்றுதான் எல்லாமே.

இன்று உலகில் நடக்கின்ற பிரச்சினைகளுக்கோ அல்லது நல்ல விடயங்களுக்கோ எங்கோ ஒரு மூலையில் ஒரு அனுபவம் தான் காரணமாக இருக்கும்.

இன்று உலகில் நடக்கின்ற யுத்தங்களளை எடுத்துக் கொள்ளுங்கள் அந்த இரு தரப்பினரிடையும் ஏதோ ஒரு கசப்பான அனுபவம் இருக்கும்.

ஆனால் நாம் இங்கு நோக்க/கவனிக்க வேண்டிய விடயம் என்னவென்றால் நாம் பெறும் நல்ல/தீய அனுபவங்கள் மற்றவரை எவ்வாறு பாதிக்கிறது அதை தடுக்க என்ன முறைகளை கையாளலாம் என்பது தான். உதாரணமாக என்னுடைய வாழ்வின் ஒரு சிறிய பகுதியை நான் இந்த அனுபவத்துடன் இணைக்கின்றேன்.

"என்னுடைய தந்தை சற்று கடினமானவர். அவருக்கு முன்னிலையில் நாம் எதுவும் அவரைவிட மிஞ்சி சொல்லிவிட முடியாது. ஆம் தன்நிலை சரிதான் என்று சொல்பவர். இவருடைய மகனாக பிறந்த எனக்கு இருக்கும் பிரச்சினைகளை உங்களால் ஊகிக்க முடியும் என்று நினைக்கிறேன். இவர் இவ்வாறு செயற்படுவதற்கு காரணம் என்ன? ஆம் நாம் மேற் சொன்னது போன்று அவர் அவருடைய வாழ்கையில் சந்தித்த அனுபவங்கள் தான். இதை அவரே பல தடவைகள் என்னிடம் கூறியுள்ளார். சின்ன வயதில்,படிக்க வேண்டிய வயதில்(8) குடும்ப சுமை காரணமாக (அவருடைய தந்தை இறந்து விட்டதால்) வேலைக்குச் சென்று இருக்கின்றார்.

அந்த நேரத்தில் அவர் பெற்ற அனுபவங்கள் மிகக் கடுமையானது. ஒரு அடிமை போன்ற வாழ்கை. எதுவும் எதிர்த்து பேசி விட முடியாது. தனக்கு மேல் இருக்கும் பணம்,பலம்,செல்வாக்கு படைத்த முதலாலிகளின் மனநிலை இவரையும் ஆட்கொள்கின்றது. அந்த நேரத்தில் சிறுவனாக இருந்தபடியால் அந்த தாக்கம் இவரை சற்று வெகுவாகவே பாதித்திருக்கும். அதாவது அடக்கி ஆழும் தன்மை. இது இன்னும் சற்று காலப் போக்கில் அவருடைய குணமாகவே மாறிவிடுகிறது.

பார்தீர்களா? இவருடைய வாழ்கையின் பாதையை மாற்றியது எது? இவர் பெற்ற அனுபவங்கள். அதனை அடிப்படையாக கொண்டுதான் இவர், இவர் சார்ந்தவர்களை வழிநடத்துவார். இது தான் இன்றய உலகில் நடந்து வரும் நிகழ்வுகள்.

இன்னும் உங்களுக்கு புரியவில்லை என்றால் மிகவும் சுலபமான ஒரு உதாரணம்.
படிக்காமல் இன்று வாழ்வில் கஷ்டப்படும் ஒரு வரித்திடத்தில் சென்று உங்கள் வாழ்கை பற்றி சொல்லுங்கள் என்று கேட்டால் அவர் கூரும் பதில் 'படிச்சு இருந்தா நான் இவ்வாறு கஷ்டப்பட்டிருக்க மாட்டேன்' என்பதாக இருக்கும்.

படிச்சு முடிச்சு நல்ல வேளையில் இருந்தும் அவன் வாங்கும் சம்பளம் போதவில்லை என்பவனிடம் சென்றால் 'நான் படிச்ச காலத்துக்கு சொந்தமாக ஒரு தொழில் செஞ்சு இருந்த நல்லா இருந்திருக்கும்' அப்படின்னு சொல்வார்.

இப்போது நான் உங்களிடம் கேற்கிறேன் இதில் எது உண்மை? சொல்ல முடியுமா உங்களால்? இரண்டும் உண்மைதான் அவர்களுக்கு கிடைத்த அனுபவங்களை பொறுத்து.

இதுதான் வாழ்கை இந்த ஒரு சின்ன விஷயத்துலதான் முழுஉலகமும் இயங்குகிறது. நாம் நமக்கு கிடைக்கும் அனுபவங்களை வைத்தே மற்றவர்களை வழி நடத்துகின்றோம். இது சரியா? பிழையா? என்று கேட்டால் அது ஒரு புறம் இருக்க இதனால் ஏற்படும் விளைவுகளைப் பார்த்தால் அது எல்லோருடைய பார்வையிலும் சரி என்றுபடாது.

காரணம் இங்குதான் பிரச்சினை ஆரம்பமாகின்றது. உதாரணமாக என்னுடைய குழந்தையின் மீது, நான் பெற்ற அனுபவங்களை வைத்து அவனுடைய வாழ்கையை பற்றி தீர்மானமெடுக்க முடியாது. காரணம் நான் வாழ்ந்த காலத்தில் அவ்வாறான சூழ்நிலை, அது சரிதான் என்ற சமூக நியதி போன்றவைகள் என்னை கட்டுப்படுத்தியிருக்கலாம். இதை வைத்துக் கொண்டு என் பிள்ளைக்கும் அப்படித்தான் இருக்கும் என்று நான் முடிவெடுக்க முடியாது. மாற்றம் என்பது இன்னும் நடந்து கொண்டுதானே இருக்கிறது. என்னுடைய காலங்கள் மாறி இப்போ வித்தியாசமான ஒரு காலமாக இருக்கும்.

எனவே அனுபவங்களை வைத்து மட்டும் நாம் முடிவெடுத்துவிட முடியாது. இதை அனைவரும் புரிந்து கொண்டால் சகல பிரச்சினைகளுக்கும் இது ஒரு தீர்வாக இருக்கும். ஒரு முறை நடந்ததுதான் மறுமுறை நடக்கும் என்று வாழ்கை நமக்கு எதையும் கற்பித்து தரவில்லை. சில அனுபவசாலிகளே பல இடங்களிலே தோற்று விடுகிறார்கள்.

அனுபவம் என்பது வாழ்கைக்கு இன்றியமயாதவொன்று. ஆனால் அதை மட்டும் நம்மை சார்ந்தவர்களின் வாழ்வுபற்றியோ அல்லது நம் சமூகம் பற்றியோ முடிவெடுத்துவிட முடியாது.

அனுபவ அறிவுரை என்ற பெயரில் பூமிக்கு கிடைக்க வேண்டிய எத்தனையோ நல்ல விடயங்கள் இன்று அதற்குள் புதைக்கப்ட்டுக் கொண்டிருப்பதையும் நாம் அன்றாடம் பார்த்துக் கொண்டு தான் இருக்கிறோம். அனுபவம் இல்லை என்பதற்காக எத்தனையோ இளைஞர், யுவதிகள் தொழில் வாய்பில்லாமல் சிரமப்படுவதையும் கண்டு கொண்டேயிருக்கிறோம்.

அது மட்டுமல்ல நாம் பெற்ற அனுபவங்களை மற்றவர்கள் மீது திணிக்க கூடாது. ஒரு பகிர்ந்து கொள்ளும் நோக்குடன் நாம் அவர்களுக்கு என்னுடைய வாழ்கையில் இப்படி நடந்தது என்று சொல்லலாம். 'அதை வைத்து நீயும் இவ்வாறு இரு உன்னுடைய வாழ்வும் நன்றாயிருக்கும் அல்லது இவ்வாறு நடக்காதே அது உன்னுடைய வாழ்கைக்கு ஒத்துவராது' என்றெல்லாம் நாம் அறிவுரை கூற முனைந்தால் சில வேளை நம்மால் அவனுடைய வாழ்கை கெட்டுப் போகவும் இடமுண்டு. அனுபவம் நமக்கு நம்முடைய வாழ்கையை இன்னும் சிறப்பாக்கி கொள்ள கிடைப்பது அது மற்றவர்களின் வாழ்கைக்கு எந்த வகையிலும் உதவ போவதில்லை. அவரவர் பெறும் அனுபவங்களே காலம் அவர்களுக்கு கொடுக்கும் மிகப் பெரும் பரிசாகும்.

இனிவரும் காலத்திலாவது அனுபவத்தை மட்டும் வாழ்கையாக்கி கொள்ளாமல் அனுபவங்களை ஒரு வழிகாட்டியாக மாற்றி வாழ முயற்சி செய்வோம் என்ற செய்தியோடு விடைபெறுகிறோம். இது எங்களுடைய தனிப்பட்ட கருத்துக்கள் தான் இதை வாழ்த்தி வரவேற்பதா? இல்லை தர்கித்து தகர்பதா? இரண்டுக்கும் நாங்கள் தயார் நீங்கள்????

புத்தாண்டு வாழ்த்துச் செய்தி.

வாழ்க்கை என்ற புத்தகத்தில் வருடப் பக்கங்கள் புரட்டப்பட்டுக் கொண்டேயிருக்கின்றன. கவனிக்க வேண்டிய விடயம் என்னவென்றால் காலம் அப் பக்கத்தை புரட்டும் போது நாம் அந்தப் பக்கத்தை முழுமையாக படித்து முடித்து விட்டோமா? என்பது தான், இன்று நாம் புது வருடத்தை வரவேற்பதற்கு மிகவும் ஆவலாய் காத்துக் கொண்டிருக்கிறோம். ஒரு வருடத்தை நம் வாழ்கையின் பயணத்தில் இழந்து விட்டோமே என யாரும் வருத்தப் படுவதில்லை. அவற்றில் நாம் திட்டமிட்டிருந்த விடயங்களை செய்து முடித்தோமா எனவும் சிந்திப்பதில்லை. இப்படியே நம் வாழ்க்கை நம்மை விட்டு கொஞ்சம் கொஞ்சமாக நகர்ந்து செல்கிறது/விலகிச் செல்கிறது.

நாம் இந்த ஆண்டுக்கு விடை கொடுக்க இன்னும் ஒரு சில மணி நேரங்களே உள்ள நிலையில் உங்களுக்கு நாம் சொல்வது என்னவென்றால் இந்த வருடத்தில் உங்களிடம் ஏற்பட்ட மாற்றங்களை சற்று சிந்தியுங்கள். நல்ல மாற்றங்கள் நிகழ்ந்திருப்பின் அவற்றை தொடர்ந்து கடைப்பிடியுங்கள். தீயவைகள் உங்களுக்குள் ஆட்கொண்டிருப்பின் அவற்றை விட்டு திருந்தி வாழ்வதற்கு முயற்சி செய்யுங்கள்.
அமெரிக்காவின் முன்னால் ஜனாதிபதி பென்ஜமின் பிராங்லின்(Benjamin Franklin) கூறிய ஒரு கருத்தை இவ் விடத்தில் நினைவு படுத்துவது பொருத்தமாக இருக்கும் என நினைக்கிறோம். அதாவது "நீங்கள் எப் பொழுதும் உங்கள் தீய செயல்களுடன் போராடிக் கொண்டேயிருங்கள், உங்கள் அயலவர்களுடன் சமாதானத்தையே பேணுங்கள், இவை இரண்டையும் ஒன்றினைத்து பிறக்கும் புது வருடத்தில் ஒரு சிறந்த மனிதனாக மாறுங்கள்" என்பதாகும்.

எனவே எம்மை விட்டு கடந்து செல்ல இருக்கின்ற வருடத்துக்கு நாம் விடை கொடுத்தாலும் அந்த வருடம் நம்மில் ஏற்படுத்திய தாக்கம் சில வேளை மறக்க முடியாத நிகழ்வுகளாக இருக்கலாம். இவை வாழ்க்கையின் நிதர்சனமே.
எனவே நடந்ததை விட்டு விடுங்கள் இனி இருப்பதை பற்றி பிடியங்கள்.

மனிதர்களிடயே மனிதத்தை, அன்பை, பாசத்தை, நட்பை, காதலை, வளருங்கள். மன்னிப்பை பரிசளியுங்கள், மகிழ்சியை இலவசமாக்குங்கள், மற்றவரின் உணர்சிகளுக்கும் சற்று மதிப்புகொடுங்கள். வாழக்கை சுபீட்சம் நிறைந்ததாக மாறும்.

எனவே பிறக்க இருக்கும் புது வருடம் உங்கள் அனைவருடைய வாழ்கையிலும் சந்தோசமும், சுபீட்சமும், சமாதானமும், நிறைந்ததாக அமைய வேண்டும் என எல்லாம் வல்ல இறைவனை வேண்டிக் கொள்கின்றோம்.

உலகெங்கும் உள்ள எமது இணைய பார்வையாளர்கள் அனைவரும் சந்தேசமான, இனிமையான, நிறைவான புத்தாண்டு வாழ்த்துக்களை தெரிவித்துக் கொள்கின்றோம்.

இனிய புத்தாண்டு வாழ்த்துக்கள்

அறிந்ததுன்டா நீங்கள் (சனத்தொகை-I)

மிகவும் நீண்ட இடைவெளிக்குப் பின்னர் மீண்டும் எமது தளம் உங்களுக்காக பகிர கொண்டு வந்திருக்கும் தகவல் 2005ம் ஆண்டில் எடுக்கப்பட்ட ஒரு தகவலாகும்... சில தனிப்பட்ட வேளைகள் காரணமாக எம்மால் இந்த தகவலை உரிய நேரத்துக்கு வாசகர்களின் கவனத்துக்கு கொண்டு வர முடியவில்லை என்பதை வருத்தத்துடன் தெரிவித்து கொண்டு அதற்கான மன்னிப்பையும் தெரிவித்துக் கொண்டு விடயத்துக்குள் நுழைவோம்.

அதாவது உலகின் சனத்தொகை பற்றி நாம் அதிகமாக கேள்விப்பட்டிருப்போம். இச் சனத் தொகையில் செல்வாக்குச் செலுத்துகின்ற முக்கியமான இரு விடயங்கள் சம்பந்தமாக நாம் இங்கு ஒரு பார்வையை செலுத்துகின்றோம். காரணம் இன்று உலகம் எதிர் நோக்கும் சவால்களில் மிகவும் முக்கியமான ஒரு சாவாலாக இந்த சனத் தொகை காணப்படுகிறது.

அதற்காக நாம் இங்கு ஒன்றும் தீர்வுகள் எதுவும் முன்வைக்கப் போவதில்லை.. காரணம் இயற்கையோடு விளையாடும் சக்தி யாருக்குமில்லை..இயற்கையின் மாறுபாடுகளுக்கு நாம் தீர்மானம் எடுத்து அதை மாற்ற நினைக்கும் போது மீண்டும் ஒரு பாரிய சவாலுக்கு உள்ளாக்கப்படுகிறோம் என்பது தான் அதன் யதார்தம்.

எங்களுடைய நோக்கம் பயனுள்ள தகவல்களை உங்களோடு பகிர்ந்து கொள்ள வேண்டும் என்பது தான்.

பிறப்பு

எனவே நாம் இங்கு கொண்டு வந்திருக்கும் விடயம் 2005ம் ஆண்டு வெளியிடப்பட்ட உத்தியகபூர்வ அறிக்கையின் படி ஒரு வருடத்தில் பிறப்பு அதிகமாகவுள்ள நாடுகளில் முதல் 10 இடங்களை பிடித்த நாடுகள்... (நினைவில் நிறுத்துங்கள் மொத்த சனத் தொகை அல்ல. தரப்பட்டுள்ள நாடுகளில் ஒரு வருடத்தில் பிறக்கும் குழந்தைகளின் எண்ணிக்கை)

(எண்ணிக்கை மில்லியன்களில்
உ-ம்:- இந்தியா 24.1 மில்லியன்)

1. இந்தியா 24.1
2. சீனா 16.7
3. நைஜீரியா 5.3
4. இந்தனேஷியா 5.0
5. பாக்கிஸ்தான் 4.4
6. பங்களாதேஷ் 4.3
7. அமெரிக்கா 4.1
8. பிரேஸில் 3.1
9. கொங்கோ 2.7
10.எத்தியோப்பியா 2.7

(இங்கு குறிப்பிடப்பட்டுள்ள தகவல்கள் 2005ம் ஆண்டு திரட்டப்பட்டதாயினும் அதன் பிறகு இது வரை இப்படியொரு தகவல் உத்தியகபூர்வமாக வெளியிடப்படவில்லை)

இங்கு மற்றுமொரு விடயத்தை சுட்டிக்காட்ட விரும்புகிறோம் அதவாது இங்கு குறிப்பிடப்பட்டுள்ள 10 நாடுகளில் 5 நாடுகள் ஆசிய கண்டப் பிராந்தியத்தின் நாடுகளாகும்.....
(தொடரும்...)

உயர்ந்தது நட்பா? (சுவைக்க ஒரு சூடான பகுதி

இது என்ன புதுசா ஒரு குழப்பம்? ஏன் இப்படி ஒரு கேள்வி? இதில் என்ன சந்தேகம்? என்று சொன்னாங்க சில பேர். நான் இந்தக் கேள்வியை அவர்களிடம் கேட்டபோது. ஆனா இதில் என்ன விஷேசம் என்றால் நான் கேட்ட கேள்விக்கு யாருமே விடை சொல்லவில்லை என்பது தான். அவர்கள் மாறி என்னிடம் கேள்வி கேட்டார்களே தவிர பதில்???????? சரிங்க இப்ப உங்ககிட்ட கேட்கிறேன் உயர்ந்தது நட்பா? தொடர்ந்து படிப்பதற்கு முதல் விடையை உங்க மனதுக்கு சொல்லிட்டு படிங்க.

ஆம் உயர்வானது நட்புத்தான் என்று நாம் எத்தனையோ விடயங்களில் கேள்விப் பட்டிருக்கிறோம். சினிமா, கதை ,கவிதை என்று நட்பை விபரிக்காத உபயோகப்படுத்தாத இடமேயில்லை எனலாம். நட்பு என்றால் என்ன என்ற கேள்வி நம்ம மனதில் எப்பயாவது தோன்றியதுண்டா? கொஞ்சம் யோசிங்க. அப்படி உங்களுக்கு தோன்றியிருந்தால் நீங்கள் இதை படித்து உங்கள் நேரத்தை வீணடிக்க வேண்டாம். ஏனெனில் விடை உங்களுக்கு கிடைச்சிருக்கும். சரிங்க நம்ம விஷயத்துக்குள் நுழைவோம்.

நட்பு என்றால் என்ன?
எச் சந்தர்பத்திலோ அல்லது எந்த சூழ்நிலைகளிலோ ஒவ்வொரு சராசரி மனிதனுக்கும் இன்னொரு தனிமனிதனுடனோ அல்லது ஒரு குழுவிடனோ எதிர்பார்ப்புகள் இன்றி ஏற்படும் அன்பு தான் இந்த நட்பு என்று நாம் சுருங்கச் சொன்னாலும் இதற்கு ஒரு பொதுவான வரைவிலக்கனம் யாராலும் கொடுக்கப்படவில்லை. (எல்லாவற்றினதும் ஆழத்தை அறிந்த புலவர்களால் கவிஞர்களால் நட்பின் ஆழத்தை மட்டும் அறியமுடியவில்லை.) நட்பை பலவாறாக புகழ்ந்தவர்கள்தான் அதிகம். அது புனிதமானது என்று சொன்னவர்கள்தான் அதிகம். அது இல்லை என்றால் ஒன்றுமில்லை என்று சொன்னவர்கள்தான் அதிகம். நட்பை யாரும் குறைகூறியோ அல்லது கேவளப்படுத்தி பேசியோ நாம் கூடுதலாக கேட்டிருக்க முடியாது. எனவே இதெல்லாம் வைத்து பார்க்கும் போது நட்பு உயர்வானதுதான் என்ற முடிவுக்கு நாம் வரலாம்.

ஆனால் ஒரு விஷயம் மட்டும் எட்டாக் கனியாகவே இருந்து வருகிறது. நாம் இந்த நட்பை பற்றி இவ்வளவு முக்கியத்துவம் கொடுப்பதற்கு என்ன காரணம்? நிறைய இருக்கலாம். அது சிலவேளை சாதகமாகவும் சில வேளை பாதகமாகவும் இருக்கலாம். எந்த ஒரு விடயத்திலும் இரண்டு வாதங்கள் முன் மொழியப்படும் போது நட்பில் மட்டும் ஒரே வாதம் அதுதான் நட்பு வாதம் ஒரே கொள்கை அது தான் நட்புக் கொள்கை என்று நான் சொல்லி நீங்கள் தெரியவேண்டியதில்லை.

ஒரு மனிதன் நல்லவனோ கெட்டவனோ அனைவருக்கும் நட்பு என்பது பொக்கிஷமாகவே விளங்குகிறது.

இருந்தாலும் இந்த நட்பால் சங்கடப்பட்டவர்களும் இருக்கத்தான் செய்கிறார்கள். நட்பு எனும் கருவி கொண்டு நம்மை வீழ்த்தி விட ஒரு கூட்டம் நம் பின்னாலயே இயங்கிக் கொண்டிருக்கிறது என்பதை மட்டும் கொஞ்சம் நினைவில் நிறுத்திக் கொள்ளுங்கள். ஏன் சிலவேளை இது உங்கள் வாழ்கையிலும் நடந்திருக்கலாம். நாமே சில சமயம் சம்மந்தப்பட்டிருக்கலாம்.
எனவே நட்பு என்பது இரண்டு விடயங்களுக்கு வழி வகுத்து நிற்கிறது.
1. நல் வழி
2. தீய வழி

நல் வழிக்கும் தீய வழிக்கும் வழி சமைக்கும் நட்பை உயர்வானது என்று சொல்லலாமா? என்ற கேள்வி என் மனதில் ரொம்ப நாளாகவே ஓடிக் கொண்டிருக்குதுங்க. அதற்கு நான் கண்ட பதில் தான் இந்த தலைப்புக்கே காரணம். என் வாழ்விலும் நட்பு நாலா திசைகளிலும் விளையாடித்தாங்க இருக்கு. சரி என் சொந்த விஷயங்களை ஓரம் கட்டி பொதுவான விஷயத்துக்கு வருவோம்.

நான் நின்ற ஒரு பஸ் தரிப்பிடம்.... அங்கு நின்றவர்களிடம் என் வினாவைத் தொடுத்தேன்.

'தம்பி இந்த காலத்துல எவனையும் நம்ப முடியாது. நம்ம கூடவே இருந்து ஆட்டயப் போட்டிட்டு போய்யிடுவாங்க..'(ரொம்ப அடி வாங்கியிருப்பாரோ???) என்று ஆரம்பித்தார் அண்ணா ஒருவர்.

'நீங்க என்ன சார் சொல்ரீங்க நண்பன் என்டு நினைச்சி வீட்ல விட்டா என் அக்காவையே இழுத்துட்டு ஓடிட்டான்'(நீங்க ரொம்ப பாவம் சார்) என்றான் இன்னொருவன்.

'ஆமா சார் இந்த காலத்துல நண்பர்கள்ட கூட நடிச்சுதான் பழக வேண்டியிருக்கு'(இது என்னடா புதுக் கதை) என்று அவர்களுடன் ஒத்துப் போனான் இன்னொருத்தன்.

'நட்பில்லாமல் வாழ முடியுமா???'(சரியான கேள்வி) என்று விவாதம் தொடங்கினால் ஒரு யுவதி அவளின் தோழிகளோடு.

'நண்பர்கள் கூட அளவாக பழகினா நல்லம் தானே'(இது என்ன அரிசியா அளவு பார்த்து வாங்க) என்று அறிவுரை கூறினால் அங்கிருந்த ஒரு வயதான அம்மா.

'தம்பி இன்றய காலத்துப் பசங்களுக்கு நட்பின் கருவே தெரியல' (அப்ப உங்களுக்குத் தெரியுமா????) என்றார் இன்னொரு வயதான தாத்தா.

எனக்கும் அவர் மேல கொஞ்சம் கோபம் தான் இருந்தும் அவரின் கருத்து எனக்கும் சற்று நியாயம் என்று பட்டது. அதனால் எதுவும் பேசாமல் அவர்கள் சொன்ன செய்திகளோடு பஸ் ஏறினேன் நானும் ஒரு முடிவுடன்.

என்ன பார்க்கிறீங்க இத நீங்களும் கேட்டு இருக்கலாம் அல்லது பேசியிருக்கலாம். எனவே இன்றய காலத்தில் நட்பு அந்த தாத்தா சொன்ன மாதிரி அதன் தன்மையை பெருமதியை இழந்துள்ளதா?

இப்ப நம் முன்னாடி 2 கேள்விகள் இருக்குதுங்க.
1. நல் வழிக்கும் தீய வழிக்கும் வழி வகுக்கும் ஒரு விடயத்தை உயர்வானது என்று சொல்ல முடியுமா?
2. நட்பு தற்காலத்தில் அதன் தன்மையை இழந்துள்ளதா?

இவை இரண்டுக்கும் கிடைக்கும் பதில் தான் இந்த எழுத்துக்களின் நிலமையை புரட்டிப் போடப் போகிறது.


முதல் கேள்விக்கு பதில் அளிக்கும் முன் இரண்டாம் கேள்விக்கு பதில் கொடுப்பது சற்று சிறப்பாய் இருக்கும் என நினைக்கிறேன். அதாவது நட்பு இன்றய காலத்தில் அதன் தன்மையை இழந்துள்ளதா? இக் கேள்விக்கு விடை கொடுப்பதற்கு முன் சற்று ஒரு விடயத்தை தெளிவு படுத்த வேண்டியது என் கடமை கூட. அதென்ன தற்காலத்தில்? அப்போ அன்றய காலத்தில் நட்பு நட்பாக இருந்ததா? என்ற ஒரு சிந்தனை உங்க மனதில் வரலாம். நம்ம ஒரு பழ மொழி கேள்விப்பட்டிருப்போம் அதாவது உயிர் காப்பான் தோழன். இது பழ மொழி மட்டுமல்ல பழய வரலாறு கூட. இதற்கு மேலும் அந்த காலத்தைப் பற்றி நான் விபரிக்க தேவையில்லை. எனவே அந்தக் காலத்தில் நட்பு நட்பாகத்தான் இருந்தது என்பதற்கு நிறைய வாதிடலாம். அக் காலத்தில் நவீனம் இருக்கவில்லை ஆனால் நாகரீகம் இருந்தது உண்மையான நட்பு இருந்தது. இன்றய காலத்தில் அது சற்று கேள்விக் குறியாகத்தான் இருக்கிறது.

இந்தக் கேள்விக்கு நமக்கு விடை கிடைக்க வேண்டும் என்றால் நாம் நட்பின் அதாவது உண்மையான நட்பின் தன்மைகளை அறிந்து கொண்டால் நான் என்ன நீங்களே சொல்வீர்கள் நட்பு இன்றய காலத்தில் எவ்வாறு இருக்கிறது என்பதை.

முதலில் அதைப் பற்றி பேசலாம் வாங்க

1. சுயநலம் அறவே இருக்கக் கூடாது.
2. ஏதிர்பார்புகள் அற்றதாய் இருக்க வேண்டும்.
3. நம்பிக்கை காணப்பட வேண்டும்.
4. கருத்து மோதல்கள் காணப்பட வேண்டும்.
5. மரியாதையுடன் கலந்த மகிழ்சி இருக்க வேண்டும்.
6. மற்றவனின் கருத்துக்கும் உணர்வுகளுக்கும் மதிப்பளிக்க வேண்டும்
7. எந்த நேரத்திலும் உதவும் மனநிலை இருக்க வேண்டும்.

எனவே இது அடிப்படையாக இருக்க வேண்டிய பண்புகள். இவற்றில் ஒன்றை இழந்தாலும் அது நட்பின் தன்மையை இழந்து விடும். இதில் எல்லாம் சரி அது என்ன கருத்து மோதல்கள் இருக்க வேண்டும் என்று யோசிக்கிரீங்களா? ஆமாங்க நிச்சயமாய் நட்புக்குள் இது காணப்பட வேண்டும். ஒரு ஆணும் ஒரு பெண்ணும் மிகவும் நெருக்கமாக பழகுகிறார்கள். இவர்களுக்கு இடையில் இருப்பது நட்பா? காதலா? என்று எவ்வாறு அறிவது? காதல் என்றால் அங்கே கருத்து முரண்பாடுகள் குறைவாகவும் நண்பர்கள் என்றால் மிக அதிகமாகவும் காணப்பபடும்(பொதுவாக). எனவே இதுவும் அடிப்படை பண்புகளில் ஒன்றுதான்.

இப்ப யோசிங்க இன்றய காலத்தில் நட்பு அதன் தன்மையை இழந்துள்ளதா? இல்லையா? நிச்சயமாக இழந்துள்ளது. அடிப்படை தன்மைகளில் முதலாவது தன்மையிலயே நம் நட்பு நின்று விடுகிறது. இக் காலத்தில் சுயநலம் அற்றவர்களை பார்க்கவே முடியாது. எனவே நட்பு இன்றய காலங்களில் அதன் தன்மையை இழந்து வருகிறது என்பது தான் நிஜம்.

இன்றய நவீன உலகத்தில் நண்பர்கள் தேடுவது என்பது பெரிய விடயமே இல்லை.(Facebook, twitter etc....) ஆனால் அவ்வாறு நாம் தேடிய நண்பர்கள் நட்பின் தன்மை உள்ளவர்களாக இருக்கிறார்களா? அல்லது நாம் அவர்களுடன் நட்பின் தன்மை வரையறை கொண்டு பழகுகிறோமா??? என்றால் 1% மட்டுமே அல்லது அதனிலும் குறைவு. அன்று நண்பனுக்கு ஆபத்தான நிலைகளில் உயிரைக் கொடுக்கவும் உதவி செய்யவும் துணிந்த நட்பு இன்று வெறுமனே கேலிக்கும் அரட்டை அடித்தலுக்கும் நேரத்தை வீண் விரயமாக்குவதற்கும் தான் பயன்படுகிறது என்பதை யாரும் மறுக்க முடியாது. தேவையென்றால் பேசலாம் இல்லை என்றால் bye என்று சொல்லும் நண்பர்கள் தான் இன்று அதிகம். நண்பன் தன் உதவி தேடி வருகிறான் என்று அறிந்தால் ஒழிந்து கொள்ளும் நண்பர்கள்தான் இன்று அதிகம்.

எதிர்பாற்பற்றது நட்பு. ஆனால் இன்று சில தேவைகள் முடிய வேண்டும் என்பதற்காகவே சிலருடன் நட்பு. ஆகவே அன்றய கால கட்டத்தில் நட்பின் தன்மை மாறுபட்டதோ இல்லையோ அது எனக்குத் தெரியாது அக் காலத்தில் நான் வாழவும் இல்லை. ஆனால் இக் காலத்தில் நிச்சயமாக மாறியிருக்கிறது. வெறும் வாய்ப் பேச்சால் மட்டும் அலங்கரிப்படக் கூடிய ஒரு உயிரற்ற பொருள்தான் இன்று என்னுடைய பார்வையில் நட்பு. இதனால் தான் நட்பு இன்று தீய விடயங்களுக்கும் வழி வகுக்கிறுது.


நல் வழிக்கும் தீய வழிக்கும் இடம் கொடுக்கும் நட்பை உயர்வானது என்று சொல்லலாமா? ரொம்ப சிக்கலில் மாட்டிக் கொண்டேன் இந்தக் கேள்வியை என் நண்பர்களிடம் கேட்டு. நட்பு நல்ல விடயம் தானே அது ஏன் தீய வழிக்கு வழி சமைக்கிறது? அவர்களுக்கு விளங்கப்படுத்தியே என் வாய் அடைத்துவிட்டது. நட்பு என்ற களத்தைப் பயன்படுத்தி தீயவர்கள் இலகுவாக உங்களை ஆட்கொள்ள முடியும் என்று நான் உறுதிப்படுத்திய போது சற்று யோசித்து விடை சொன்னார்கள்.

சிலர் 'ஆம் அது நல்ல வழிக்கு வழி காட்டுகிறது நாம் ஏன் தீயதை பார்க்க வேண்டும் நல்லதை மட்டும் யோசிக்கலாமே'( ரொம்ப பெரிய மனசு சார்)என்றார்கள். இன்னும் சிலர் 'இல்லை நட்பை பயன்படுத்தி தீயவைகள் நடை பெருகின்ற போது அதை உயர்ந்தது என்று கூறமுடியாது'(அட பாவிகளா) என்றார்கள். மிகுதிப் பேர் 'வாழப் போகும் கொஞ்ச நாளில் இந்த ஆராய்சி ஏன் உமக்கு'(நல்ல பதில்) என்று ஒதுங்கிக் கொண்டார்கள்.

சரிங்க இப்ப நம்ம முடிவெடுக்க வேண்டிய தருணம் அதற்கு முதல் இந்த விடயத்துக்கு நான் முடிவெடுத்த முறையை விளக்குவது என் கடமை கூட. நட்பில்லாமல் ஏதாவது வேறு ஒரு விடயத்தை உதாரணமாக எடுத்து நான் பல பேரிடம் வினவினேன். இந்த விடயத்தில் நன்மையும் இருக்கிறது தீமையும் இருக்கிறது. இதை நாம் உயர்வானது என்று சொல்ல முடியுமா எனக் கேட்டபோது இல்லை என்ற பதிலே உயர்ந்து நின்றது. இல்லை என்று பதில் சொன்னவர்களிடம் நட்பு பற்றி கேட்ட போது தடுமாறினார்கள். அப்போ நட்புக்கு மட்டும் நீதி தேவையில்லையா? என்ற தீர்மானத்தில்..... நன்மையும் தீமையும் இருக்கும் ஒரு விடயத்தை நிச்சயமாக உயர்வானது என்று சொல்ல முடியாது நட்பாய் இருந்தாலும் சரி. நன்மையுடன் தீமை கலக்கும் அடுத்த நிமிடமே அது கலங்கப்பட்டு விடுகிறது. எனவே நட்பை புனிதமானது என்றோ உயர்வானது என்றோ கூற முடியாது.(என்ன செய்வது சில உண்மைகளை சொல்லித்தான் ஆக வேண்டும்).

ஒரு சராசரி மனிதனை எடுத்துக் கொள்ளுங்கள். அவனிடம் நற்பண்பும் தீயபண்பும் இருக்கிறது. இவன் செய்யும் அத்தனை நல்ல விடயங்களையும் இவனால் விடப்படும் தவறு தகர்த்து இவனை இச் சமூகத்துக்கு கெட்டவன் என அடையாளப்படுத்தி விடும். இது போன்றுதான் இன்றய நட்பின் நிலமையும். நட்பில் புனிதம் இருந்தாலும் தூய்மை இருந்தாலும் இன்றய காலகட்டத்தில் நட்பினால் ஏற்படும் தீய செயல்கள் அதிகமாய் காணப்படுவதாலும் சமூகத்தில் ஏற்பட்ட நட்பை பற்றிய தவறான செய்திகள் காரணமாகவும் நட்பில் இன்று தீயவிதமான பார்வைகளே படிந்துள்ளன.

அது என்ன தீய செயல்கள் அதிகமாய் காணப்படுகிறது என்ற கேள்விகள் உங்க மனதில் ஓடலாம். சற்று விளக்குவது என் கடமை.

ஒரு வீதியோரத்தை தெரிவு செய்யுங்கள். அது நண்பர்கள் கூடும் ஒரு பிரதேசமாக இருகட்டும். அங்கு ஒரு 10 நிமிடம் நின்று வேடிக்கை பாருங்கள். அந்த நண்பர்கள் வட்டாரம் செய்யும் கேலிக்கைகளால் அவர்கள் மீது சமூகம் வீசும் பார்வை காவலிகள், தெருப் பொருக்கிகள், என்றெல்லாம் தவறான கூற்றுக்கள். அவர்கள் மீதும் படிந்து நட்பின் மீதும் படிந்து விடுகிறது. என்ன பார்க்கிரீங்க யாரோ செய்யும் பிழைக்கு நட்பு எப்படி பொருப்பெடுக்கும் என்று? தானே. விளங்குது உங்க தவிப்பு என்ன செய்வது சமூகத்தில் ஆரம்பத்தில் இருந்தே இந்த தவறான எண்ணம் குடி கொண்டு விட்டதால் நாமும் அதனுடன் ஒட்டி ஓட வேண்டியிருக்கு என்பது தான் யதார்த்தம்.ஆகவே ஒரு விடயத்தை பின்பற்றுகின்ற மனிதர்களை வைத்து அந்த விடயத்தை கணக்கிடும் சமூகத்தில் நாம் வாழ்கிறோம் என்று இவ் விடத்தில் சுட்டிக்காட்ட வேண்டியதும் எனது கடமை தான். இப்படித்தாங்க பிரச்சினைகள் தோற்றமெடுக்க ஆரம்பிக்கும்.

எனவே இவற்றை தடுக்கும் பொருப்பை நாம் சம்மந்தப்பட்ட அந்த நண்பர்களிடமே கொடுத்து விட்டு ஒதுங்கிக் கொள்வோம். ஆனால் ஒரு விடயம் எல்லோரும் ஏற்றுக் கொண்ட ஒரு விடயம் தான் நன்மைகளை தீமைகள் அழித்து விடும் என்ற எண்ணக் கரு. எனவே அதனடிப்படையிலும் தீமையுடன் கலந்திருக்கும் நட்பை உயர்வானது என்று சொல்ல முடியாது. இன்றய கால கட்டத்தில் வாழ்தப்படும் நட்பை விட தூற்றப்படும் நட்புகளே கூடுதலாக காணப்படுகிறது என்று நான் சொல்வதை விட நீங்கள் அன்றாடம் கேள்விப்படும் தகவல்களும் நடைபெறும் சம்மவங்களும் போதுமானது. ஆக மொத்ததில் நட்பை உயர்வானது என்று சொல்ல முடியாது.

அப்படியென்றால் தீர்வு அது இன்றய அனைத்து நண்பர்களின் கையிலும் தான் தங்கி உள்ளது. அவர்கள் மாறும் வரை நட்பு மாறப் போவதில்லை.

இருதியாக நாம் முடிவுக்கு வரலாம். அது என்ன? நட்பு இன்றய காலகட்டத்தில் அதன் தன்மையை இழந்து வேறு ஒரு பாதையில் சென்று கொண்டிருக்கிறது. இதனால் அதனால் ஏற்படக் கூடிய நன்மைகளை விட தீமைகள் அதிகமாகி அதன் புனிதத் தன்மையை இழந்துள்ளது.

எனவே 'தீய விடயங்களுக்கும் வழிசமைக்கும் அதே நேரத்தில் தன் புனிதத்தையும் இழந்துள்ள நட்பை உயர்வானது என்று இன்றய காலத்தில் கூறமுடியாது.'

சந்தர்பங்கள் சூழ்நிலைகள்தான் நட்பை இவ்வாறு மாற்றியிருக்கிறது என்று எவறாவது சொன்னால் நான் அவருடன் வாதிடத் தயார் 'ஆம் அந்த சந்தர்பத்தை ஏற்படுத்தியது நாம் தான்' என்று அவர்கள் ஏற்றுக் கொள்ளும் வரை.

ஆனால் இந்த நட்பு இன்றும் சற்று வாழக் காரணம் சில நண்பர்கள் இன்றும் நட்பின் தன்மையை இழக்காததுதான். நாம் அனைவரும் அதற்கு முயற்சிக்க வேண்டும்.

இந்த நட்புக்கு இருக்கும் ஒரு விஷேட தன்மையை சொல்லி இந்த தொடரை முடிக்கிறேன்.
அதாவது உறவுகளில் எந்த உறவுக்கும் இல்லாத ஒரு விஷேசம்.

தாய், தந்தை, கணவன், மனைவி, காதலி, காதலன், சகோதரன், சகோதரி இவ்வாறு எந்த உறவுக்குள்ளும் நட்பை இனைக்கலாம். இனைத்தால் அந்த உறவின் தன்மையை அது பாதிக்காது. உதாரணமாக சகோதரியுடன் நட்பை இனைத்தால் இந்த சகோதரத்துவம் பாதிக்காது அதே நேரம் அதே சகோதரியுடன் காதலி என்ற உறவையோ அல்லது மனைவி என்ற உறவையோ சேர்க்க முடியாது.

அப்படிப்பட்டது நட்பு. இன்று அதன் தன்மையை இழந்து நிற்கிறது காரணம் நாம். எனவே நட்பை நட்பாக மதிக்க நாம் அனைவரும் முன் வரவேண்டும். வெறும் கேலிக்கும் கூத்துக்கும் மட்டும் நட்பை பயன்படுத்தாமல் சாதனைகளுக்கும் சாதிப்பதற்கும் பயன் படுத்த வேண்டும்.

நட்பை உயர்த்த நட்புடன் ஒன்றினைவோம்.

இது என் தனிப்பட்ட கருத்துதான். வாழ்தி வரவேற்பதா? தற்கித்து தகர்பதா? இரண்டுக்கும் நான் தயார்.... நீங்கள்?????????;

மறைந்தும் மக்களின் மனங்களில் வாழும் அன்னை தெரெசா

Virakesari.
கருணையின் வடிவம் என்று போற்றப்படும் அன்னை திரேசாவின் 100 ஆவது பிறந்த தினம் நேற்றாகும். 1910 ஆம் ஆண்டு 26 ஆம் திகதி மசிடோனியா கோஜிப்லில் பிறந்த அன்னை தெரேசா, அக்னஸ் கோன்ஜா போஜாஜியூ எனும் இயற்பெயருடன் இந்திய குடியுரிமை பெற்ற ரோமன் கத்தோலிக்க அருட்சகோதரியாவார்.

இவர் 1979இல் அமைதிக்கான நோபல் பரிசும், 1980இல் மனிதநேய பணிகளுக்காக இந்தியாவின் சிறந்த குடிமக்கள் விருதான பாரத் ரத்னா விருதும் பெற்றார்.

அன்னை தெரேசாவின் அன்பின் பணியாளர் சபை, அவர் மரணத்த வேளை, 123 நாடுகளில் 610 தொண்டு நிறுவனங்களை இயக்கிக் கொண்டிருந்தது.

இவர், அல்பேனியா ஷ்கோடரில் வாழ்ந்து வந்த நிக்கல் - டிரானா போஜாக்சியு தம்பதியரின் இளைய புத்திரியாவார். இவரது தந்தை அல்பேனிய அரசியலில் ஈடுபட்டிருந்தார். 1919 இல், அரசியலிலிருந்து விலகிய அவர் நோய்வாய்ப்பட்டு, அக்னஸுக்கு எட்டு வயதாயிருக்கும் போது காலமானார். தந்தையின் மரணத்திற்குப் பின், தாயார் அவரை ரோமன் கத்தோலிக்கராக வளர்த்து வந்தார்.

ஜோன் கிராப் க்ளூகாஸின் வாழ்க்கை வரலாற்றின் படி குழந்தைப் பருவத்தில் அக்னஸ் மதபோதனையினாலும் சேவைகளாலும் ஈர்க்கப்பட்டு பன்னிரண்டு வயதில் இறைபணியில் தன்னை அர்ப்பணிப்பதற்குத் தீர்மானித்தார்.

1929 ஆம் வருடம் அவர் இந்தியா சென்று, டார்லிங்கில் தனது கன்னியர் மட பயிற்சியை ஆரம்பித்தார். மே 24,1931 இல் வாக்குத்தத்தம் எடுத்துக் கொண்டு அருட்சகோதரியானார். மத போதகர்களின் காவல் புனிதரான தெரேசா டி லிசியுவின் பெயரைத் தனக்குத் தேர்ந்தெடுத்துக் கொண்டார்.கிழக்குக் கொல்கத்தாவின் லொரேட்டோ கன்னிமடப் பள்ளியில் தனது இறைபணியை ஆரம்பித்தார்.

1950 ஆம் ஆண்டு அன்னை திரேசாவின் தலைமையில் மிஷனரி ஒப் செரிட்டி இல்லம் ஸ்தாபிக்கப்பட்டது.தூய்மையான பணிக்கு எடுத்துக் காட்டாக நீல நிறக்கரையுடன் கூடிய வெள்ளை கைத்தறிச் சேலையை அணிந்தார்.

அன்னையுடன் முதன் முறையாக இணைந்து கொண்ட சுபாஷினிக்கு தனது இயற்பெயரைச் சூட்டினார். இவரது பணிக்குத் தலைவணங்கிய பிரிட்டிஷ் மகாராணி 1980 ஆம் ஆண்டு கௌரவ விருது வழங்கிக் கௌரவைத்தார்.1997 ஆம் ஆண்டு அமெரிக்க ஜனாதிபதியாக இருந்த பில் கிளிண்டன் கௌரவ பிரஜா உரிமை வழங்கினார்.

1997 ஆம் ஆண்டு கொல்கத்தாவில் அன்னை தெரெசா இறைவனடிசேர்ந்தார்.

அவரது மறைவையடுத்து சகோதரி நிர்மலா மிஷனரி ஒப் செரிட்டியின் தலைவியாகத் தேர்ந்தெடுக்கப்பட்டார்.

அன்னை இவ்வுலகை விட்டு மறைந்தாலும், அவர் உலக மாந்தர் மனங்களில் இன்றும் வாழ்ந்து கொண்டுதான் இருக்கின்றார்.

அன்னைக்குப் புனித பட்டம் அளிக்கும் அந்நன்னாளை முழு உலகும் ஆவலோடு எதிர்பார்த்துக் காத்திருக்கின்றது. அதற்கான இறை ஆசீரை வேண்டிப் பிரார்த்திப்போம்

சற்று சிந்திப்போம் (சுவைக்க ஒரு சூடான பகுதி)

வாழ்கை என்ற பயணத்தில் ஒரு முக்கியமான திருப்பு முனைதாங்க மணவாழ்கை. இதை நாம் சரியான பாதையில் அமைத்துக் கொண்டால் நம் வாழ்கைப் பயணம் மிகவும் அமைதியாகவும் தடுமாற்றம் இல்லாமலும் அமையும் என்பதில் மாறுபட்ட கருத்து இருக்க முடியாது. அதாவது மனைவி/கணவன் அமைவதெல்லாம் இறைவன் கொடுத்த வரம் அப்படின்னு சொல்லுவாங்க. ஒரு மனிதனின் வாழ்கையின் சந்தோசத்தை தீர்மானிக்கின்ற சக்தி இந்தக் கல்யாணம். அப்படிப்பட்ட கல்யாணத்தில் இடம் பெரும் சமூகச் சீரழிவான சீதனம் பற்றிய பார்வைதான் எனது இவ்வெழுத்துக்களின் நோக்கம்.

வாங்க நுழையலாம்.

இந்த சீதனம் இன்று பல ஏழைகளின் கண்ணீருக்கும், பலரின் வாழ்கை பிரச்சினைக்கும், கணவன் மனைவியின் அமைதியின்மைக்கும் காரணங்களாய் திகழ்கிறது. இன்றய நம் சமூகத்தில் இச் சீதனம் பாரிய ஒரு சமூக நோயாகக் கருதப்பட்டு இதை தடுக்க பல வழிகளில் முயற்சி செய்தும் இதன் வளர்ச்சி மட்டும் மறையவில்லை என்பதுதான் உண்மை. இதற்கு காரணம் இதை எதிர்பவர்களும் கூட சில வேளை அதற்குள் உள் வாங்கப்படுவதுதான். அதாவது இச் சீதனம் இன்று பழ வழிகளில் மனிதனை சீர் கெடுத்துக் கொண்டிருக்கிறது அப்படின்னு தான் சொல்லனும். அந்த வழிமுறைகளை சற்று விரிவாக விளக்குவது என் கடமை கூட.

அவற்றை இங்கு 2 முறையாகப் பிரிக்கலாம்.
1. வெளிப்படையாக.
2. மறைமுகமாக.

1.வெளிப்படையாக
நேரடியாக பெண் வீட்டாரால் பணம் நகை வீடு வாகனம் போன்றவைகள் கொடுக்கப்படுவது.(மணமக்கள் அறிந்து)

இதிலும் இரண்டு வகை உண்டு
1. ஆண் வீட்டாரின் வற்புறுத்தலில் பெருவது
2. பெண் வீட்டாரால் தாமாக விரும்பிக் கொடுப்பது.

இதில் முதல் வகையில் நேரடியாகவே பிரச்சினை தோற்றமெடுக்கும். ஆண் வீட்டார் பெண் வீட்டாரிடம் கேட்கும் தருணமே பெண் வீட்டாருடைய மனதில் ஆண் வீட்டார் பற்றிய தப்பெண்ணம் உருவாக ஆரம்பிக்கிறது. பெண் வீட்டாரால் அது வெளியில் சந்தோசமாக கொடுக்கப்பட்டாலும் இவர்களின் உள் மனதில் இவை சம்மந்தமாக மறைமுக கருத்துக்கள் தோற்றமெடுக்கிறது என்பது தான் யதார்த்தம். எனவே ஆரம்பத்திலயே மனதில் தப்பெண்ணம் தோன்றும் போது அவை போகப் போக பாரிய பிரச்சினைகளை தோற்றுவித்து இரண்டு குடும்பங்களுக்கும் பாரிய பிரச்சினைகளை தோற்றுவிக்கும்.

இரண்டாவது வகையில் பெண் வீட்டாரின் விருப்பத்தில் இது வழங்கப்படால் இங்கு எழும் பிரச்சினை மறைமுகமாக தாக்கத்தை ஏற்படுத்தும். அதாவது பெண் வீட்டாருக்கு நாங்கள் எல்லாம் கொடுத்து இருக்கிறோம் என்ற ஒரு வித பெருமை தொற்றிக் கொள்ளும். இதனால் அவர்களின் செயல்கள் சற்று வித்தியாசமான நடத்தையை பிரதிபலிப்பதோடு மணமகனின் தன்மானத்துக்கும் மட்டுமல்லாமல் அவனின் குடும்பத்துக்கும் அது பாதிப்பை ஏற்படுத்தும். இது மட்டுமல்லாமல் ஆண் வீட்டாருக்கு அவர்களைப் பற்றிய சற்று தாழ்வுப் பிரச்சினை ஏற்பட காரணமாயிருக்கும். எனவே இதுவும் திருமணத்தை நிறுத்திவிடவோ அல்லது திருமணத்தின் பின் வாழமுடியாமல் தடுக்கவோ காரணமாயிருக்கும். இவற்றை தடுக்க அந்த ஆண் மகனால் மட்டுமே முடியும்.


2.மறைமுகமாக

மறைமுகமாக எனும் போது மணமக்கள் அறியாமல் இரு குடும்ப பெரியவர்கள் மட்டும் பேசி கொடுப்பது எடுப்பது. இது மிகப் பெரிய பிரச்சினைகளை தோற்றுவிக்கும். மேலே சொல்லப்பட்ட அனைத்துப் பிரச்சினைகளும் இதனுல் அடங்கினாலும் இந்த விடயங்கள் வெளியில் வரும் போது ஏற்படும் பாதிப்பு அந்தக் குடும்பங்களின் மீது சமூகம் தொடுக்கும் பார்வைகள் என்பன இன்னும் அதிகம் ஆதிக்கம் செலுத்தும். பெரியவர்கள் விட்ட தவறுக்காக இங்கு பாதிக்கப்படுவது இரண்டு அன்பான கணவன் மனைவியின் வாழ்கை என்பது இங்கு சுட்டிக்காட்டப் பட வேண்டும். எனவே இந்த விடயங்களில் அனைவரும் கவனமாய் இருக்கவேண்டும் என்பதுடன் கணவன் அல்லது மனைவி இச் சந்தர்பத்தில் சற்று ஆறுதலாய் யோசித்து முடிவெடுக்க வேண்டும்.

எனவே இப்படியான பல வழிகள் இருந்தும் வெளிப்படை மறைமுகம் என்ற வரையறைக்குள் முடித்திருக்கிறேன் சுருக்கத்துக்காக. இங்கு ஒரு விடயத்தை அவதானித்திருப்பீர்கள். நாம் நம் இலேசுக்காக வெளிப்படை மறைமுகம் என்று பிரித்தாலும் எழும் பிரச்சினைகள் எல்லாம் ஒன்றுதான்.

அடுத்து நாம் நோக்க வேண்டியது இந்த சீதனம் தொடர்பான பிரச்சினைகளுக்கு பொருப்பு கூற வேண்டியது யார். என்னைப் பொருத்தவரை 80% ஆண்கள் (மன்னிச்சுடுங்கப்பா ஆண்களே). ஆமாங்க இதற்கு பொருப்பெடுக்க வேண்டியவர்கள் ஆண்கள் தான் குறிப்பாக அந்த மணமகன் தான்.(வெளிப்படையான சீதனத்தில் மட்டும்)



இந்த விடயத்தில் ஒரு மிகப் பெரும் தவறான கூற்று ஒன்று நிலவி வருகின்றது. அதை தகர்க்க வேண்டியது என் கடமை கூட. அதாவது சீதனம் கேட்கப்படுவது அந்த ஆண்மகனின் தாயின் மூலமாக என்று சில கருத்துக்களும் முன் வைக்கப்படுகிறது. வாங்கப்டும் மொத்த சீதனத்துக்கும் தன் தாய் மேல் பழி போடும் மகன்களை நினைத்து வெட்கப்படத்தான் முடிகிறது.

சரிங்க நம்ம அவங்க விவாதத்துக்கே வரலாம். உன் தாய்தான் சீதனம் கேட்கிறாங்க என்று வைத்துக் கொள்ளுவோம். நீ என்ன ஊமையா? எங்கே போனது உன் வாய்ப் பேச்சுக்கள். தன் தாயிடம் அழகான முறையில் சொல்லி இது தவறு என்று புரியவைக்க கூட உன்னால் முடியவில்லை என்றால் நீ ஆண் மகன் என்று மார்தட்டிக் கொள்ளும் உரிமை உனக்கில்லை. உன் உள் மனதில் ஆசையை வைத்துக் கொண்டு தன் தாயை தூண்டிவிட்டு பிறகு அவள் மேலயே பழிபோடும் நீயெல்லாம் ஒரு மனிதனா? என்று கேட்கத் தோன்றுகிறது அவர்களை நோக்கி. இப்ப யோசிங்க யார் பொருப்பு? என்று. இந்த விடயங்களை சம்மந்தப்பட்ட அந்த மணமகன் நினைத்தால் தடுக்கலாம். ஆனால் இன்று அதுசரி இவர்கள் எல்லாம் பணம் என்றால் பிணமும் வாய் திறக்கும் என்ற ஜாதி போல....

என்னிடம் சீதனத்துக்கு வரைவிலக்கனம் கேட்டால் 'குடும்பம் எனும் நாடு செல்ல பெண்னுக்கு ஆண் விதிக்கும் ஆகாத வரி' அப்படின்னு சொல்லலாம். இதற்கு முழுப் பொருப்பெடுக்க வேண்டியவர்கள் ஆண்களே.

உலகில் நாம் ஒரு விடயத்தை பற்றி யோசிப்போம். அந்த விடயத்தில் ஏதாவது நன்மையும் இருக்கலாம் தீமையும் இருக்கலாம். ஆனால் சில விடயங்களில் மட்டும் தீமை மட்டுமே இருக்கும் அப்படிப்பட்ட ஒரு விடயம் தான் இந்த சீதனம். சற்று யோசிப்போம் இந்த சீதனத்தால் ஏற்பட்ட நன்மை எது? கிடையாது. அதற்கு மாற்றமாக வெறும் பிரச்சினைகள் மட்டுமே உருவாக்கப்படுகிறது. எனவே இப்படிப்பட்ட ஒரு சமூகச் சீரழிவைத்தான் நாம் இன்னும் அனைத்துக்கொண்டிருக்கிறோம் என்பது தான் வெட்கப்பட வேண்டிய விடயம். நாம் எல்லாம் 6 அறிவுள்ள மனிதர்கள் என்று பெருமைப் படுகிறோம் ஆனால் நடப்பது 5 அறிவுள்ள மிருகங்களை விட கேவலமாக... சிந்தியுங்கள் (கொஞ்சம் over ரா போயிட்டனோ?).

இளைஞர்களே, ஆண்களே சற்று சிந்தியுங்கள் நீங்கள் நினைத்தால் மாத்திரம் தான் தடுக்க முடியும். நான் சீதனம் வாங்குவதில்லை கொடுப்பதில்லை என்ற முடிவுடன் உங்கள் சொந்தங்களில் நடைபெரும் திருமணத்திலும் அவற்றை தடுக்க முயற்சி செய்யுங்கள். உங்கள் ஆண்மைக்கு அழகு சேருங்கள். நடந்ததை விட்டுவிடுங்கள். இனி நடப்பதை மட்டும் பாருங்கள். நிச்சயமாக நீங்கள் துணிந்தால் இவற்றை தடுக்க முடியும். துணிவீர்கள் என்ற நம்பிக்கையில் முடிக்கிறேன்.

இது என் தனிப்பட்ட கருத்துக்கள் தான், வாழத்தி வரவேற்பதா? இல்லை தர்கித்து தகர்பதா? இரண்டுக்கும் நான் தயார் நீங்கள்?????

எது காதல் (சுவைக்க ஒரு சூடான பகுதி)

கேள்விகள் பல தொடுத்தும் விடை கிடைக்காத ஒரு விடயத்தை அறிந்ததுன்டா நீங்கள் அதுதான் காதல். காதல் என்றால் என்னவென்று கேட்ட போது விடைகொடுக்க முடியாமல் திண்டாடியவர்களை நினைக்கிறேன் நானும் தடுமாறியவனாக. இருவர் சேர்ந்து ஒருவராய் வாழுவது, ஈருடலில் ஓர் உயிர், என்றெல்லாம் பல விளக்கங்கள் இருந்தாலும் இருதி வரை எல்லோரும் ஏற்றுக் கொண்ட ஒரு விடயம் தான் கவர்சியை அடிப்படையாக கொண்டுதான் காதல் தோன்றுகிறது என்பது.

விடிய விடிய பேசினாலும் விளக்கம் ஒன்றைதான் குறித்து நிற்கிறது இந்தக் காதல். ஒரு ஆணுக்கு, பெண்ணின் மீதும் பெண்ணுக்கு, ஆணின் மீதும் ஏற்படும் கவர்சிக்கு மறு பெயர் தாங்க காதல். கவர்சி என்பது அழகில் மட்டுமல்ல பல விடயங்களிலும் இருக்கலாம். குறிப்பிட்ட அந்த ஆண்/பெண்ணுக்கு ஒரு குறிப்பிட்ட அந்த பெண்/ஆணின் மீது ஏற்படுகின்ற ஈர்ப்பு அழகாலோ, அறிவாலோ, அல்லது நல்ல குணங்களாலோ உள் வாங்கப்படுகிறது என்பதுதான் யதார்தம். இந்த காதல் என்பது மனிதனுக்கு அன்றாடம் எழக்கூடிய உணர்வுகளில் ஒன்றே தவிர வேறு எதுவும் இல்லை. அழுகை, வெட்கம், மகிழ்ச்சி, கோபம் இது போன்றுதான் காதலும். ஆனால் இந்தக் காதல் இன்று உலகில் மற்றய உணர்வுகளை விட முக்கியமானதற்கு என்ன காரணம் அப்படின்னு பார்க்கலாம் வாங்க.....

முதன்மை காரணியாக நாம் சொல்லலாம் யதார்தம் அற்ற சினிமாக்கள் தான். இன்றய சினிமாக்கள் இந்த காதலுக்கு கொடுத்த முக்கியத்துவத்தை வேறு ஏதாவது ஒரு விடயத்துக்கு கொடுத்திருந்தால் அந்த விடயத்தில் அச் சமூகம் சாதித்திருக்கும் என்றால் மிகையாகாது. ஏனெனில் ஒரே காதல் என்ற வார்த்தையை மட்டும் வைத்துக் கொண்டு எத்தனை 3மணி நேரங்கள் வீணடிக்கப்பட்டிருக்கிறது என்ற உண்மையை யாரும் மறைக்கவோ மறக்கவோமுடியாது. காதல் உயிரை விட மேலானது அதற்கு இவ்வுலகில் இணையில்லை அது இல்லை என்றால் வாழ்வில்லை என்றெல்லாம் இன்றய இளைஞர், யுவதிகளை பித்துப்பிடிக்க வைத்த இந்த சினிமாவை பேசியே தீரவேண்டும். காதல் இல்லை என்றால் வாழ்கையில்லை என்று தீர்மானம் எடுக்கும் அளவுக்கு இன்றய இளைஞர், யுவதிகள் மாறியிருக்கிறார்கள் என்றால் அதற்கு முழுப் பொருப்பெடுக்க வேண்டியது இந்த சினிமாக்கள் தான். ஆனால் அவ்வப்போது வரும் ஓர் இரு சினிமாக்கள் மட்டும் விதிவிளக்காக காணப்படுகிறது. அப்படிப்பட்ட சினிமாக்களை நாம் பாராட்டியே ஆக வேண்டும். ஆனால் பெரும்பான்மையான சினிமாக்கள் அதே பல்லவியை மட்டும் தான் பாடிக் கொண்டிருக்கிறது.

சரிங்க நம்ம விஷயத்துக்கு வருவோம். நாம் அடுத்து யோசிக்க வேண்டிய விஷயம் இந்த சினிமாக்கள் ஏற்படுத்திய தாக்கத்தில் இருந்து நாம் எவ்வாறு விடுபடுவது என்பதுதான். அத பார்ப்போம் வாங்க.


அவள்/அவன் தான் என் உயிர் என்று புழம்பும் ஒரு ஆணோ அல்லது பெண்ணோ யோசிக்க வேண்டிய விடயம் என்னவென்றால் இந்தக் காதலுக்கு கொடுக்கப்பட்ட வரைவிலக்கனங்கள், விதிகள் யாரால், அல்லது எச் சமூகத்தால் இங்கு கொடுக்கப்பட்டது என்பதுதான். இதற்கு எச் சமூகமும் எந்த தனி நபரோ பொறுப்பேற்க முடியாது. ஏனெனில் இதெல்லாம் கவிஞர்களாலும், சினிமா கதையமைப்பாளர்களாலும். இயக்குனர்களாலும் ரசனைக்காக, காட்சியமைப்புக்காக, சினிமாவின் சுவாரஸ்யங்களை அதிகரிப்பதற்காக கொடுக்கப்பட்ட சில்லறை வார்த்தைகளே தவிர வேறென்றுமில்லை என்ற முடிவுக்குதான் வரமுடியும். (தெளிவாக சிந்தியுங்கோ.) எனவே வெறும் யதார்தம் அற்ற சினிமாக்கல் போல் நீங்களும் வாழ ஆரம்பித்தால் வாழ்க்கை பல பிரச்சினைகளையும் இனைத்துக் கொள்ளும்.

இந்தக் காதல் ஒட்டுமொத்தமாக வேண்டாம் என்று நான் சொல்லவில்லை. அதற்கு கொடுக்கின்ற முக்கியத்துவம் தேவையற்றது என்பதுதான் என் வாதம்.

இன்னொரு விடயத்தை தெளிவுபடுத்த வேண்டிய பொருப்பு எனக்கிருக்றது. அதாவது அம்மா, அப்பா இப்படி இரத்த உறவுகளுக்காக விடாத உயிரை மனிதன் காதலுக்காக தியாகம் செய்கிறானே இது தான் காதலின் புனிதம் என்று சில வாதங்கள் முன் வைக்கப்படுவதை நான் கேட்டிருக்கிறேன். இப்படியான வாதங்கள் எவ்வளவு பெரிய முட்டாள் தனமான வாதம் என்று நீங்கள் யோசிக்க வேண்டிய தருணம் இது. இந்த வாதத்தை முட்டாள்தனம் என்று சொன்ன நான் அந்த விடயத்தை முட்டாள்தனம் என்று சொல்ல வரவில்லை. அது ஒரு வழமைக்கு மாற்றமான செயல் என்று சொல்கிறேன். நான் மட்டுமல்ல மன நோய் வைத்திய நிபுணர்களின் அறிக்கை கூட இதைத்தான் குறித்து நிற்கிறது. ஆங்கிலத்தில் இவர்களை Abnormal என்று அழைப்பார்கள். உதாரணமாக ஒரு மனிதர் ஒரு விடயத்தில் அதிக ஈடுபாடு கொண்டவனாய் இருக்கிறான். அவனால் அவ்விடயத்தை விட்டு வாழ முடியாது என்று ஒரு நிலை தோன்றும் வேளை இப்படியான சம்பவங்கள் இடம்பெற வாய்ப்பு உண்டு. அதாவது அவனால் அந்த இழப்பை ஏற்க முடியாத ஒரு மனநிலை, தோல்விகளை தாங்கமுடியாத இலகிய மனம், எதிர்பாரதா விடயங்கள் ஏற்படும் போது அதை ஏற்க மறுக்கும் வியப்பான மனநிலை கொண்ட மனிதர்களை இதற்கு உதாரணமாக குறிப்பிடலாம். காதல் தோல்வியால் மட்டுமல்ல பல விடயங்களிலும் இவ்வாறான தற்கொலைச் சம்பவங்கள் ஏற்பட்டுள்ளன.

வீட்டில் பிரச்சினை பரீட்சைமுடிவுகள் திருப்தியில்லை கடன் தொல்லை போன்ற சம்பவங்கள் இதற்கு உதாரணம். இப்படிப்பட்ட மனிதர்கள் காதல் தோல்வியால் மட்டுமல்ல அவர்களின் எந்த தோல்வியான நிலைகளிலும் இப்படியான மோசமான முடிவுக்குத்தான் உள்வாங்கப்படுவார்கள் என்பது இன்றய மனநோய் வைத்திய நிபுணர்களின் ஒட்டுமொத்த கருத்தாக இருக்கிறது. (நம்ம லொஜிக் படி பார்த்தாலும் ஒரு வேளை சினிமாக்கள் சொந்தங்களின் பிரிவுக்கும் தற்கொலை என்று காட்டியிருந்தால் நம்ம பசங்க அதற்கும் துணிஞ்சிருப்பாங்க போல)

ஆகவே காதல் தோல்வியில் ஒரு மனிதன் தற்கொலை என்பதை விட அவனின் மன வலிமை போதாத நிலையில் தற்கொலை செய்கிறான் என்பது தான் உண்மை. அவனுக்கு காதல் என்பதை விட தோல்வி என்ற ஒரு விடயம் தான் முன்னிலை வகிக்கிறது என்பது தான் இங்கு கோடிட்டு காட்டப்பட வேண்டிய விடயம். (மன்னிச்சுக்குங்க லிட்டில் சுப்பர் ஸ்டார்).

இந்தக் காதலை எவ்வாறு விளங்குவது என்ற சந்தேகம் உங்க மனதில் இப்ப வரலாம். இலேசான ஒரு வழி இருக்குதுங்க.



ஒரு கேள்விய உங்க மனதில் ஓடவிடுங்க. அதாவது சராசரியான ஒரு ஆணையும் சராசரியான ஒரு பெண்ணையும் கற்பனைபன்னுங்க. இவங்க இரண்டு பேரும் ஒத்துப் போகும் ஒரு விடயத்தை தேர்ந்தெடுங்க பார்க்கலாம். மிகக் குறைவு அல்லது உங்களால் முடியாது. ஆகவே இவங்க இரண்டு பிரிவினைரையும் ஒன்றாய் சேர்ப்பதற்காக இயற்கை செய்த மாயம் தான் இந்தக் காதல் எனும் உணர்வு. இந்தக் காதல் வருவதற்கு முன் இவர்கள் பாம்பும் கீரியையும் போல (ஏன் அதை விட கொடுமை). ஆனால் காதல் என்ற உணர்வு இவர்களுக்குள் வந்தவுடன் விட்டுக்கொடுப்பு கருத்துக்களுக்கு மதிப்பளித்தல் ஒற்றுமை போன்ற நற் குணங்கள் இவர்களை ஆட்கொள்கின்றது. இயற்கையின் சமநிலை பேணப்படனும் மனிதன் பூமியில் மனிதனாக வாழனும் என்ற விதிக்காக இயற்கை ஏற்படுத்திய இயல்பான உணர்வுதான் காதல்.

எனவே எந்த ஒரு சராசரியான மனிதனும் ஒரு உணர்வை இழந்ததற்காக அவனின் முழு வாழ்கையையும் முடிக்கமாட்டான். சாதிக்க வேண்டிய பல விடயங்கள் அவன் முன்னே இருக்கும் போது காதலை ஒரு விடயமாக கருதி அவனால் செயற்பட முடியாது. இந்த இடத்தில் நான் கேட்ட ஒரு கருத்தை சுட்டிக்காட்ட விரும்புகிறேன். "இலட்சியங்கள் நிறைந்த ஒரு மனிதனுக்கு காதல் ஒரு வழிகாட்டியே தவிர வாழ்கையல்ல". ஆகவே இலட்சியம் இல்லாமல் வெறுமனே வாழ்ந்து கொண்டிருக்கும் சில மனிதர்களால் இன்று காதல் அதன் தன்மை இழந்து விட்டது என்று சொல்லலாம்.

வைரமுத்து தொடக்கம் பா.விஜய் வரை காதலை பாடாத கவிஞர்கள் இல்லை என்கிறீங்களா. ஆமாங்க ஆனால் அவர்களின் நிஜ வாழ்கை????? உங்களை போன்று வலிகள் நிறைந்ததுதான். அவர்கள் வலிகளை வரிகளாக்கினர் அதனால் கவிஞர்கள். நீங்கள் வடுக்கலாக்கி நீங்களே உங்களை வதைக்கிறீர்கள். சேர்ந்து வாழ்வதுதான் காதல் செத்து மடிவதல்ல என்ற ஒரு வசனமும் எனக்கு இவ்விடத்தே நினைவு வருகிறது.
காதலுக்கு நான் எதிரியில்லை ஆனால் அதே நேரம் அந்தக் காதல் என்ற பெயரில் செய்யப்படுகின்ற முட்டாள் தனமான செயலுக்கும் படு மோசமான செயல்களுக்கும் நான் தான் முதல் எதிரி.

காதலுக்கு இன்றய இளைஞர் யுவதிகளிடத்தில் கொடுக்கப்படும் முக்கியத்துவம் எந்த விதத்திலும் ஏற்றுக் கொள்ளமுடியாது. அதனால் ஏற்படும் சமூகச் சீரழிவுகளை நான் சொல்லித்தான் நீங்க தெரிஞ்சிக்கனும் என்ற நிலை இன்று இல்லை.
இந்தக் காதல் இல்லாவிட்டால் உலகில் உயிரினமே மங்கியிருக்கும் என்ற உண்மையை நாம் மறக்க கூடாது. காதல் அது மதிப்பளிக்கப் பட வேண்டியது, அதுவும் மனிதனின் உணர்வுகளுள் ஒன்று என்பதால். எனவே அதற்குரிய மரியாதை கொடுப்போம். அதற்காக அது உயிரை விட மேலானது என்றெல்லாம் முடிவெடுப்பது எல்லாம் முட்டாள்தனம்.

இன்று காதல் என்ற பெயரில் பல சீரழிவுகளும் நடைபெற்று வருகிறது. அவற்றையெல்லாம் கலைந்து மனித வாழ்கையின் ஓர் அங்கமாக மனித உணர்வுகளில் ஓர் உணர்வாக அதை ஏற்று ஆதரிப்போம்.

இது என் தனிப்பட்ட கருத்துதான் இதை வாழ்த்தி வரவேற்பதா? இல்லை தர்கித்து தகர்பதா? இரண்டுக்கும் நான் தயார் நீங்கள்....

மலர்களின் நறுமணம் மறைந்து போகும் அபாயம்!:ஆய்வில் தகவல்

Virakesari.

நமக்கெல்லாம் பூக்களின் மணம் என்றால் பிடிக்குமல்லவா?

இயற்கை மணத்தை அள்ளித் தருவதில் பூக்களுக்குத்தான் முன்னுரிமை என்பதில் யாருக்கும் ஐயமில்லை. ஆனால் இவற்றுக்கும் கூட மணம் இழக்கும் அபாயம் ஏற்பட்டுள்ளது.

காரணம் யார் தெரியுமா?

நாம்தான். நாம் பயன்படுத்தும் வாகனங்களிலிருந்து வெளியேறும் புகை தான் மலர்களின் மணத்தைக் கபளீகரம் செய்து விடுவதாக ஆய்வொன்று கூறுகிறது.

காற்றுமாசின் விளைவாக இயற்கைச் சூழல் மாசடைவது நாம் அறிந்ததே. இது தொடர்பான ஆய்வில், வாகனப் புகை, பூக்களின் இயல்பான நறுமணத்தைச் சிதைத்து விடுகிறது என்ற வேதனையான தகவல் தெரிய வந்திருக்கிறது.

இதனால் நமக்கென்ன பிரச்சினை என்கிறீர்களா?

முதலில் தேன் குடிக்கும் வண்டுகளுக்கும், வண்ணத்துப் பூச்சிகளுக்கும் தேனீக்களுக்கும் திண்டாட்டம். பூச்சிகள் பூக்களிலிருந்து தேன் அருந்துவது இரண்டாம் காரணம்தான்.

வாகனப் புகையால் பாதிப்பு

மலர்கள் மணம் பரப்பி விளம்பரம் செய்வதே, மகரந்தச் சேர்க்கை செய்யும் பொருட்டு தேனீக்கள், வண் ணத்துப்பூச்சிகளைத் தன்னை நோக்கி ஈர்ப்பதற்காகத்தான். வாகனப்புகையால், பூக்களின் மணம் குறைந்தால் மலர்களின் இருப்பிடம் தெரியாமல், பூச்சிகள் திணறித் திண்டாடுவதாக ஆய்வுகள் தெரிவிக்கின்றன.

அமெரிக்காவின் வேர்ஜீனியா பல்கலைக்கழகத்தின் ஜோஸ் ஃபியுயென்டாஸ் எனும் ஆராய்ச்சியாளரின் தலைமையில் உள்ள குழு, இந்தத் தகவலை கண்டறிந்தது.

அதிகமான காற்று மாசில்லாத சூழலில், பூக்களிலிருந்து வெளியேறும் மணம் சுமார் 1000-1200 மீட்டர் (சுமார் 1-1/4 கி.மீ) தூரம் வரை பயணிக்கும். ஆனால் காற்றில் வாகனப்புகை கலந்து படிந்த நிலையில் மலர்களின் மணம் சுமார் 200 மீட்டர் தூரம்வரை கூட எட்டாதென அந்தத் தகவலில் மேலும் தெரிவிக்கப்படுகிறது.

"பூக்களின் நறுமணத்தைப் பரப்பும் மூலக்கூறுகள், வாகனப் புகையால் உண்டாகும் ஓசோன், நைட்ரேட் போன்ற நச்சுப் பொருட்களுடன் உடனடியாகக் கலந்துவிடுகின்றன. இதனால் மலர்களின் மணம் அழிந்து விடு கிறது" என்கிறார் ஜோஸ் ஃபியு யென்டாஸ்.

காற்றில் வாகனப்புகை கலப்பால், பூக்கள் மணம் பரப்பாத நிலையில், பூக்களின் தேன் மற்றும் மகரந்தத்தை உண்டு வாழும் தேனீ மற்றும் வண்டுகளின் உணவுக்குத் தட்டுப்பாடு ஏற்படுகிறது.

இதனால் பூக்களின் இனப்பெருக்கம் தடைபடுகிறது. சிறு உயிரினங்கள் தங்களின் இனப்பெருக்கத்தன்மை இழக்கும் அபாய நிலை நம் முன்னே காத்திருக்கிறது.

உலகில் நாம் உட்கொள்ளும் உணவிலுள்ள காய்கறிகள், பழங்கள் போன்றவை. அனைத்தும் பூக்கள் மகரந்தச் சேர்க்கை செய்வதால்தான் நமக்கு கிடைக்கின்றன.

சூழல் மாசுபடுவதால் தாவரங்கள் அழியும் வாய்ப்பும், பூச்சிகளுக்கும் நமக்கும் உணவுப் பிரச்சினையும் ஏற்படும் என்ற அச்சமூட்டும் உண்மைகளும் நம்மை விழிப்படைய வைத்துள்ளன.

இதனடிப்படையில், அனைத்து உயிரினங்களும் இயல்பு வாழ்வை இழந்து தவிக்கின்றன என்பது மட்டும் உறுதி.

இதனைத் தடுக்கும் பொறுப்பு மனிதராகிய நம் கரங்களில் தான் உள்ளது என்பதில் தவறில்லை அல்லவா?

500 மில்லியன் இலக்கினை எட்டும் பேஸ்புக்

நன்றி:Virakesari


பிரபல சமூகவலைப்பின்னல் தளமான பேஸ்புக் 500 மில்லியன் பாவனையாளர்கள் என்ற இலக்கினை அடையவுள்ளதாகவும் அவ்வறிவிப்பை பெரும்பாலும் இந்த வாரம் மேற்கொள்ளுமெனவும் ஊடகங்கள் தெரிவிக்கின்றன. இத் தொகையானது உலக சனத்தொகையின் 8% வீதமாகும்.

இம் மைல்கல்லை கொண்டாடும் வகையில் " பேஸ்புக் கதைகள் " எனும் விசேட கதைத் தொகுப்பையும் அவ் வலையமைப்பு வெளியிடவுள்ளது. மேற்படி தொகுப்பானது பாவனையாளர்களின் வாழ்க்கையை பேஸ்புக் எவ்வாறு மாற்றியுள்ளது என்பது தொடர்பிலான விடயங்களை உள்ளடக்கியுள்ளது.

அனைத்து பாவனையாளர்களும் தங்கள் கதைகளை சமர்ப்பிக்கமுடியும். பாவனையாளர்களால் விரும்பப்படும் அதிகமான கதைகள் இத்தொகுப்பினுள் உள்ளடக்கப்படும். பேஸ்புக் தனது வலையமைப்பினை 150 மில்லியன் பேர் கையடக்க தொலைபேசிகள் மூலம் உபயோகிப்பதாக சமீபத்தில்அறிவித்திருந்தது.

இது தொடர்பாக கருத்து தெரிவித்த பேஸ்புக் வலையமைப்பின் சந்தைப்படுதல் இயக்குனர், இது தாம் ஏற்கனவே எதிர்பார்த்தவொன்றெனவும் , இதை வேறு வேறுவிதமாக கொண்டாட எதிர்பார்ப்பதாகவும் தெரிவித்தார்.

பேஸ்புக் சமூகவலைப்பின்னல் தளமானது 2004ம் ஆண்டு மார்க் ஸுக்கர்பேர்க் என்பவரினால் அவரது சக மாணவர்களான எடுயுரடொ சவெரின் , டஷ்டின் மொஸ்கொவிட்ஷ் மற்றும் கிரிஷ் ஹக்ஷ் ஆகியோரின் உதவியுடன் உருவாக்கப்பட்டதாகும்.

இப்படியும் சில காதல் கிறுக்கர்கள்....! _

நன்றி:Virakesari


பெண்ணாய் பிறந்தது தவறா? அல்லது அழகான பெண்ணாய்ப் பிறந்தது தவறா? அப்படியே பிறந்தாலும் கையடக்கத் தொலைபேசியைப் பாவிப்பது தான் தவறா?

இத்தகைய கேள்விகளுக்கு விடை காணத் துடிக்கின்றனர் இன்றைய இளம் பெண்கள்.

ஆம், இன்று இளம் பெண்களுக்குத் தொல்லை கொடுப்போர் பட்டியலில் 'ரீலோட்' முகவர்களும் இணந்து கொண்டமைதான் இவர்களின் இந்தக் கேள்விகளுக்கெல்லாம் காரணம்.

தமது கையடக்கத் தொலைபேசிக்கு 'ரீலோட்' பண்ணச் செல்லும் இளம் பெண்களின் தொலைபேசி இலக்கங்களை, இந்த முகவர்கள் குறித்து வைத்துக் கொள்கிறார்கள்.

இரவானதும் அவர்களின் காதல் சில்மிஷங்கள் ஆரம்பாமாகி விடுகின்றன. அவர்கள் குறித்து வைத்திருக்கும் தொலைபேசி இலக்கங்களுக்கு இணைப்பை ஏற்படுத்திக் கொள்ளும் இவர்கள், காதல் குறுஞ்செய்திகளை அனுப்பி வைத்து விடுகின்றனர்.

இரவில் மட்டும் அரங்கேறும் காதல் 'எஸ்எம்எஸ்' நாடகம் இது.

இது, கொழும்பிலுள்ள அநேகமான 'ரீலோட்' முகவர்களின் வாடிக்கையான வேடிக்கையாகிவிட்டது.

கையடக்கத் தொலைபேசியில் இத்தகைய குறுஞ் செய்திகளைப் படிக்கும் இளம் பெண்கள் தவித்துப் போய்விடுகின்றனர். இது எப்படி...? யார் இதனை அனுப்புகின்றார்கள் என்று குழம்பிப் போகின்றார்கள்.

இப்படி இவர்களைத் தவிக்க வைப்பதில் இத்தகைய முகவர்களுக்கு அப்படி என்னதான் இன்பமோ தெரியவில்லை. எத்தனையோ காதல் கிறுக்கர்களைப் பற்றிக் கேள்விப்பட்டிருக்கும் நமக்கு இது ஒரு வித்தியாசமான 'கிறுக்கா'கத்தானே தோன்றுகின்றது?

இத்தகைய கிறுக்கர்களின் குறுஞ் செய்திகளையிட்டு நாம் அலட்டிக் கொள்ளவே தேவையில்லை. ஒருமுறை, இரண்டு முறை ஏன் பத்துத் தடவைகள் தான் அனுப்பட்டுமே, நாம் அவற்றை உடனுக்குடன் அழித்துவிட்டு, எதையுமே கண்டுகொள்ளாதது போன்று இருந்து விட்டால் போதும், காலப் போக்கில் இவர்களின் 'கிறுக்கு' தன்னாலேயே அடங்கிப் போய்விடும்.

இதனால் அனைத்து 'ரீலோட்' முகவர்களும் இப்படித்தான் என்பதல்ல... நல்லவர்களும் இருக்கத்தன் செய்கிறார்கள். இளம் பெண்களைக் கிண்டல் செய்வதையே பொழுதுபோக்காக ஏன் தொழிலாகக் கொண்டிருப்பவர்கள் தான் இத்தகைய 'கிறுக்கு' த்தனத்தில் ஈடுபடுகின்றார்கள் என்பது மட்டும் உண்மை.

இவர்களைக் 'காதல் கிறுக்கர்கள்' என்பதில் தவறில்லை அல்லவா?