விமான 'கறுப்பு பெட்டி'யின் தந்தை மரணம் _

நன்றி:Virakesari
விமான விபத்துக்களின் போது அதற்கான காரணத்தைக் கண்டறிய உதவும் கறுப்பு பெட்டியைக் கண்டுபிடித்தவரும் பிரபல அவுஸ்திரேலிய விஞ்ஞானியுமான டேவிட் வொரென் தனது 85ஆவது வயதில் நேற்று முன்தினம் காலமானார்.

வொரென் அவுஸ்திரேலியாவின் வடகிழக்கில் உள்ள பின்தங்கிய கிராமமொன்றில் 1925ஆம் ஆண்டு பிறந்தார். அவரது தந்தை 1934ஆம் ஆண்டு அவுஸ்திரேலியாவில் இடம்பெற்ற விபத்தொன்றில் உயிரிழந்தார்.

அந்நாட்டின் இராணுவ அறிவியல் தொழில்நுட்ப அமைப்பில் 1952 முதல் 1983 வரை விஞ்ஞானியாக இவர் செயற்பட்டார்

விமான கறுப்பு பெட்டி 1956ஆம் ஆண்டு கண்டுபிடிக்கபட்டது. இவர் 1953ஆம் ஆண்டு இடம்பெற்ற உலகின் முதலாவது 'ஜெட்' விமான விபத்துக்கான காரணத்தைக் கண்டறியும் பொருட்டு நியமிக்கப்பட்டிருந்த குழுவில் அங்கம் வகித்தார்.

விமானத்தின் முன்பகுதியில் அமர்ந்திருக்கும் விமானிகளின் உரையாடலை ஒலிப்பதிவு செய்வதினூடாக மட்டுமே விபத்துக்கான காரணத்தை கண்டறிய முடியுமென உணர்ந்த அவர் இதனைக் கண்டுபிடித்தார்.

1960ஆம் ஆண்டுக்கு பின்னரே இதன் முக்கியத்துவம் உணரப்பட்டு, அனைத்து விமானங்களுக்கும் 'கறுப்புப் பெட்டி' பொருத்தப்பட்டது.

அவுஸ்திரேலிய அரசாங்கம் 2002 ஆம் ஆண்டு இவருக்கு விருது வழங்கி கெளரவித்திருந்தமை குறிப்பிடத்தக்கது.

பதிவுகளை இலவசமாக ஈமெயிலில் பெற