மனிதத் தசைகளின் மயானம்
இரத்த கங்கையின் பிறப்பிடம்
போர்க்களம்
மனித தேகத்தின் இலவசக் கடை
யாருமே காணமுடியாத விடை
போர்க்களம்
போர்ச் சிற்பி செதுக்கிய சிற்பம்
இம் மண்ணிலே இதுவரை மறையாத துக்கம்
போர்க்களம்
கழுகும் நரியும் கனிவாய் அழைக்கப்படும்
காலத்தின் விருந்துபசாரம்
போர்க்களம்
தாயின் பாசமும் தாரையின் காதலும்
கலக்கும் ஒரு கலவைக் காவியம்
போர்க்களம்
வெறி கொண்ட வெற்றியின் வீர முழக்கம்
இசையாய் கேட்கும் இதயராகம்
போர்க்களம்
மரண தேவியின் காதலன்
மரித்த உடல்களின் காவலன்
போர்க்களம்
சில மனித நரிகளின் தந்திரம்
பல மனித பேய்களின் உறைவிடம்
போர்க்களம்
அழிக்க வேண்டிய அரவம்
அகற்ற வேண்டிய நரகம்
போர்க்களம்
No comments:
Post a Comment