அவள்,
அழகிய வினா?
என் இரகசியக் கனா!
அவள்,
ஆறாத காயம்,
என் வாழ்வின் பாலம்.
அவள்,
இதயத்தின் ஒலி,
என் வறட்சியின் வலி.
அவள்,
ஈரமான தென்றல்,
என் பாதையின் முட்கள்.
அவள்,
உணர்வுள்ள இசை,
என்னை இயக்கும் விசை.
அவள்,
ஊக்க நதி,
என்னை துரத்தும் விதி.
அவள்,
எளிமையின் உருவம்,
என் சுவாசத்தின் துயரம்.
அவள்,
ஏகாந்தப் பாதை,
பனியுடன் பிறந்த காலை.
அவள்,
ஐயத்தின் உடல்,
என் துணிச்சலின் நிழல்.
அவள்,
ஒடுங்கிய இரவு,
என் தனிமையில் உறவு.
அவள்,
ஓவிய வர்ணம்,
என் தேடலின் கிண்ணம்.